Amosi 4:11 - Baibo Busansulushi Bwa Libuku Ili

¹¹ “Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:11 ပူးပေါင်းရင်းမြစ်များ

Isaya 13:19

Babiloni mbulelo bubotu abuumbi apo bantu ba mumo mpobalisumpwita. Sombi nebo neMwaami Lesa ndaakunyonyoola Babiloni bweenka mbondakanyonyoola Sodoma aGomola!

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Jelemiya 49:18

Bweenka ndabala inene ya Sodoma aya Gomola mbwaakanyonyoolwa pantu pomwi amandabala akalinga kwaashingulukite, mbweeke ubo cishi ca Edomu mbweshi cikacitwe. Taaku muntu nabi womwi weshi akekaleemo tubili. Nebo neMwaami Lesa ndaamba.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 50:40

Bweenka nebo neLesa mbondakanyonyoola Sodoma aGomola pantu pomwi amandabala akalinga kushingulukite cakwaamba ayi taaku muntu wakekalaamo tubili, mbweeke ubo taaku weshi akekale muBabiloni tubili. Nebo neMwaami Lesa ndaamba.”

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Agayi 2:17

Ndakanyonyoola milimo yanu ndindakayumya shishango shanu mukutuma muuwo uyoosha amfuula ya mabwe, sombi mwebo tamukwe kusanduka kuswa kushibiibi shanu.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Bene Loma 9:29

Ici cilibo bweenka bwakaamba Isaya kale kale ayi, “Mwaami Lesa shinkusu shoonse naatakwe kutushiila bantu bamwi bamumushobo wesu, naakwiinga twakaloba anga nindabala ya Sodoma alimwi aGomola.”

1 Bene Kolinto 3:15

Ono na cashukuta, ingayi mulimo wakwe wayabo amaanshi. Teshi akatambule cilambu. Lakwe mwiine ulaakupulushikwa, sombi anga ngumuntu wayokolwabo mumulilo.

Dutolonomi 28:24

Mumusena wa mfula, Mwaami Lesa ulaakutuma cipuupu ca lusuko alimwi amuseese kushikila mukanyonyooke.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

Judi 1:23

Bamwi amubayokole mumulilo utamaani akubapulusha. Kuli bamwi beendeleshekwa ashiyanda mibili yabo shibiibi, amubanyumfwile nkumbu. Sombi mulyeelete kucenjela kwaamba ayi mutakoweli abuumi bwa bubi.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.