Amosi 3:7 - Baibo Busansulushi Bwa Libuku Ili

⁷ Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Amosi 3:7 ပူးပေါင်းရင်းမြစ်များ

Matalikilo 18:17

Mwaami Lesa wakalyaamboosha ayi, “Teshi mushiise Abulaamu ncentooyanda kucita.

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

2 Baami 22:13

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi ali mulibuku ili.”

2 Baami 22:20

Aboobo webo ulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

2 Baami 6:12

Umwi wakakumbula ayi, “Taakuuwo nomulemekwa. Ulyeelete kuba Elisha mulaluki mwine Isilaeli ulwiita mwaami wa bene Isilaeli shoonse nshemwaamba cabushishi mucipinda canu.”

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Esekelo 29:21

“ ‘Pabushiku ubo ndaakupa nkusu shiinji mushobo wa bene Isilaeli, awebo Esekelo ndaakukucalula mulomo ayi ukaambe pakati kabo. Lyalo ndyeshi bakeshibe kwaamba ayi nebo ndi Mwaami Lesa.’ ”

Danyelo 11:2

Mpeeke munjelo uyo wakaamba ayi, “Ono ntookulwiita lushinisho. Bamaami bamwi botatwe balaakuboneka mucishi ca Pesha. Pesule mwaami wane ulaakubakonkela. Lakwe ulaakuba mubile kwiinda mbabo boonse. Aakuba abulemu kwiinda mububoni bwakwe, ulaakuyungoola bantu boonse ayi balwane bulelo bwa bene Gilisi.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Joni 15:15

Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 1:19

Ono aboobo lemba shintu shoonse nshewabona, isho shitoocitika cino ciindi alimwi asheshi shikacitike kunembo.

Ciyubululo 10:7

Sombi na munjelo wasanu abobilo akalishe lupeenga lwakwe, Lesa ndyeshi akacite kubamba kwakwe kwa bushishi kweelana ambwaakalwiita basebenshi bakwe, balaluki bakulukulu.”

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”

1 Samwelo 9:15

Ono bushiku bwakeenda Mwaami Lesa wakaambila Samwelo ayi,