Amosi 3:1 - Baibo Busansulushi Bwa Libuku Ili

¹ Nobene Isilaeli amunyumfwe bwaamba Mwaami Lesa pali ndimwe, ee, pali ndimwe noonse nobantu mbwaakakusha mucishi ca Ijipiti.

Amosi 3:1 ပူးပေါင်းရင်းမြစ်များ

1 Makani 16:13

Kamushiibaluka nobamulunyungu lwakwe Jakobo musebenshi wakwe, Nobamulunyungu lwakwe Isilaeli, mwebo nomwakasalwa.

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

Isaya 46:3

Mwaami Lesa waamba ayi, “Amukutike ono nobamulunyungu lwakwe Jakobo, ee, mwebo nomwakacaalaawo pabantu bangu bene Isilaeli. Ndamulama kuswa kuciindi ndimwakamitwa, ncakwiila kumulama kuswa ciindi ndimwakashalwa.

Isaya 48:12

Mwaami Lesa waamba ayi, “Amukutike nobene Isilaeli, mwebo nobantu mbondakasala! Nebo ndi Lesa, wakalingaako kumatalikilo weshi akanooliiko akumeelelesho. Nebo neenka ndime Lesa!

Jelemiya 13:11

Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Jelemiya 31:1

Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Osiya 4:1

Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 5:1

Nobene Isilaeli amunyumfwe lwiimbo lwangu lwakulila pali ndimwe.

Mika 2:3

Paceebo ceeco Mwaami Lesa waamba ayi, “Ntooyeeya kumuletela mapensho mwebo nobantu alimwi teshi mukakonshe kulipulusha. Teshi mukanokweendawo cakulisumpula ceebo cilaakuba ciindi ca mapensho.

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Sefaniya 2:5

Mapensho kuli ndimwe nobene Filisiti, mwebo nomwikala mulombe lwa lweenge. Maswi a Mwaami Lesa atokwaamba pamapensho ako webo ocishi ca Kenani ca bene Filisiti. Maswi ayo aamba ayi, “Ndaakukunyonyoola alimwi taaku eshi akacaaleewo.”

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.