Amosi 2:6 - Baibo Busansulushi Bwa Libuku Ili

⁶ Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.

Amosi 2:6 ပူးပေါင်းရင်းမြစ်များ

2 Baami 18:11

Mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Baami 18:12

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo, sombi bakapwaya cipangano ncaakapanga ambabo akukaka milawo yoonse yakabapa Mose, musebenshi wa Mwaami Lesa. Tabakwe kumukutika nabi kumunyumfwila.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Esekelo 22:13

“ ‘Ndushinisho ndaakukamba mapaka angu ceebo ca bukali pabuboni ubo mbowakabilila munshila italuleme alimwi apabulowa mbowakatila bwa babyo.

Jowelo 3:3

Bakalinga kuuma cisolo mukwaabana bantu bangu. Bakalinga kuulisha banike basankwa abalindu busha ayi balipile bafuule akuula waini.

Jowelo 3:6

Mwakabwesa bantu bene Juda abene Jelusalemu ayi mubatume kulaale acishi cabo akuboolisha kubaGiliki.

Sekaliya 11:5

Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.