Amosi 2:3 - Baibo Busansulushi Bwa Libuku Ili

³ Ndaakucaya muleli wa ncico pantu pomwi abacinenenene bakwe. Nebo neMwaami Lesa ndaamba.”

Amosi 2:3 ပူးပေါင်းရင်းမြစ်များ

Jobo 12:21

Ulalengesha bantu balemekwa kumana bulemu, ncakwiila ulatimboola misampi ipamya beshinkusu.

Kulumbaisha 141:6

Bamaleli babo baakuwaalwa kuswa patulundu twa mabwe, balaakusumina ayi ndakalinga kwaamba shalushinisho.

Kulumbaisha 2:10

Ono amukutike kucenjeshekwa uku mwebo nobamaami. Amwiilewo ciiyo apa noonse nobaleli ba mucishi ca panshi.

Isaya 40:23

Banaabaami ngoobanyaya bulemu bwabo akubalengesha kuba mbuli bamwi boonse. Baleli ba pacishi ca panshi ngoobafuula bwaami bwabo.

Jelemiya 48:25

Nkusu sha mucishi ca Moabu shatimbulwako, lyaansa lyankusu lya Moabu lyanyonyoolwa. Nebo neMwaami Lesa ndaamba.”

Jelemiya 48:7

“Nobene Moabu, ceebo cakwaamba ayi mulicinkite manungo mumicito yanu amububoni bwanu, amwebo noonse mulaakutolwa busha. Alakwe lesa wanu Kemoshi ulaakutolwa busha pantu pomwi abapailishi bakwe alimwi abacinenenene bakwe.

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Amosi 5:7

Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.