Amosi 2:14 - Baibo Busansulushi Bwa Libuku Ili

¹⁴ Beshilubilo teshi bakakonshewo kuloboka. Bashinkusu teshi bakasebenseshe nkusu shabo. Ncakwiila abalo bashilumamba bacibwene kulwana teshi bakafunewo buumi bwabo beene.

Amosi 2:14 ပူးပေါင်းရင်းမြစ်များ

Jobo 11:20

Sombi bamucita shibi balaakulemabo kulangoola lucafwo, teshi bakabeewo amusena wakulobokelaako. Nceshi bakanoolindilabo nkutula moyo.”

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Jelemiya 25:35

Beembeshi balaakubula kwakulobokela, bamatanjilili teshi bakabonewo kwakucicila.

Jelemiya 39:4

Mpeeke Sedekiya mwaami wa bene Juda abashilumamba boonse ndibakababona bakacica. Bakaswa mundabala mashiku akwiinda mumuunda wa bwaami kuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Amosi 5:9

Lakwe ulaleta kunyonyoola pabeshinkusu anga nkalumba akulengesha ndabala icite malinga kunyonyoolwa.