Amosi 1:5 - Baibo Busansulushi Bwa Libuku Ili

⁵ Ndaakutyoloola minjililo ya ndabala inene ya Damasikasi. Ndaakunyonyoola mwaami wa muCinyika ca Afeni, ncakwiila uyo ulela mundabala ya Beti Edeni. Bene Silya balaakuya mubusha kuKili. Nebo neMwaami Lesa ndaamba.”

Amosi 1:5 ပူးပေါင်းရင်းမြစ်များ

2 Baami 14:28

Shintu shimwi shoonse shakacita Jeloboamu ankoondo nshaakalwana alimwi ambwaakaboosha ndabala ya Damasikasi aya Amati mumaansa abene Isilaeli alimwi, shililembetwe mulibuku lya buumi bwa bamaami ba bene Isilaeli.

2 Baami 16:9

Tigilati Pilesa, mukucita kweelana akusenga kwakwe Aasi wakaya abeshilumamba mukulwana ndabala ya Damasikasi. Wakeekoma, wacaya mwaami Lesini akutola bantu busha kuKili.

Isaya 22:6

Bene Elamu bapakata shipokolo sha mifwi amata alimwi akutanta pamaaki amushikoci sha nkondo. Abalo bene Kili babamba mayawo abo.

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Isaya 8:4

Mwaana uyu kaatana kucishiba kwaamba ayi, ‘Ma,’ nabi ayi, ‘Ta,’ buboni boonse bwa bene Damasikasi ashintu nsheshi shikasaalwe kubene Samaliya ulaakushitola mwaami wa bene Asilya.”

Jelemiya 50:36

Bacaikwe amupeeni balaluki bamumo babeshi! Baba baluya! Bacaikwe amupeeni bashilumamba ba mumo! Ncakwiila baliloondete abuumbi.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Esekelo 27:23

“ ‘Beshimakwebo ba kuAlani, Kane, Edeni, Sheba, Ashuli alimwi aKilumadi boonse bakalinga kucita makwebo andiwe.

Esekelo 30:17

Bacikula bwangu basankwa ba muEliopolisi aBubasitasi, balaakucaikwa munkondo. Balo bantu ba mumandabala ayo balaakutolwa mubusha.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Amosi 5:5

Mutanoolangoola ndabala ya Betelo. Mutayi kundabala ya Gilugala. Mutayi lweendo kundabala ya Biyasheba mukwiinga ndabala ya Gilugala ilaakucatwa busha ayalo ndabala ya Betelo ilaakubabo matongo.”

Amosi 9:7

Mwaami Lesa utookwaamba ayi, “Kuli ndime, nobene Isilaeli muli anga mbene Kushi. Bweenka mbondakakusha bene Isilaeli kuIjipiti, mbweeke ubo mbondakakusha bene Filisiti kuKileti alimwi abene Silya kuswa kuKili.

Naamu 3:13

Bashilumamba bako bali anga mbanakashi! Minjililo yako ilibo bwaashi kubalwani bako. Mulilo watenta mpingilo sha njiyo.