Amosi 1:14 - Baibo Busansulushi Bwa Libuku Ili

¹⁴ Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Amosi 1:14 ပူးပေါင်းရင်းမြစ်များ

2 Samwelo 11:1

Kumatalikilo amupewo, ciindi ico bamaami ncebakalinga kuyitaamo kunkondo, Defedi wakatuma Joabu abacinenenene bakwe pantu pomwi abashilumamba bene Isilaeli boonse kuya kunkondo. Bakakoma bene Amoni akushinguluka ndabala inene ya Laba. Sombi Defedi wakalingabo muJelusalemu.

2 Samwelo 12:26

Paciindi ico Joabu wakatolelela kulwana Laba ndabala inene ya bene Amoni alimwi wakalinga pafwaafwi akwiikoma.

2 Samwelo 12:31

Bantu ba mumo wakabapa ncito yakusebensesha shakutimbusha mapulanga, mase, tweembe akubakakatisha kunokuuma ncelwa. Wakacita bweenka ubo akumandabala amwi a bene Amoni. Lyalo lakwe abashilumamba bakwe bakaboolela kuJelusalemu.

1 Makani 20:1

Ono ciindi ca mupewo bamaami ncebakalinga kwiitamo kunkondo, Joabu wakatanjilila bashilumamba bakwe kuya mukulwana acishi ca bene Amoni. Sombi Defedi wakacaala muJelusalemu. Bashilumamba abo bakaya kundabala ya Laba beeshinguluka akwiinyoyoola.

Jobo 39:25

Na lupeenga ulo lwalilabo, alafoomashika. Bweema bwa nkondo alabunyumfwilabo kaacilibo kulaale alimwi alanyumfwila shitokwaambilisha bamatanjilili ba bashilumamba.

Kulumbaisha 83:15

mbweeke ubo amubatandaanye acipuupu canu cinene, amubalengeshe boowa akapupuulwa kanu.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Jelemiya 23:19

Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Esekelo 21:20

Ubike citondesho mukwakwa womwi kwaamba ayi mupeeni ukaye mukulwana bene Amoli ba kuLaba, acitondesho muumwi kwaamba ayi mupeeni ukaye mukulwana cishi ca Juda alimwi andabala inene ya Jelusalemu iyo icite lilinga.

Esekelo 21:22

Ono cisolo cilaakuwita kumufwi wa kululyo uyo weshi ukanokwiimikanina ndabala ya Jelusalemu. Mwaami wa bene Babiloni ulaakuya kundabala iyo akuya mukutula minkulwa yakupwaishako lubumbu, kuya mukucitilako ciyobeyobe ca nkondo, kuya mukuyaamika minkulwa yakupwaishaako kuminjililo ya njiyo, kuyakako shitunta shakutantaawo pakulwana alimwi akukabako shilindi sha nkondo.

Esekelo 21:25

“ ‘Awebo omuleli wa bene Isilaeli mucita shibi alimwi utasalalite, bushiku bwako bwashikila, ciindi cako cakupekwa mulandu wakweelaako cilibo muliimfwa.

Esekelo 25:5

Ndaakusandula ndabala yanu ya laba kuba mafulo akweembelelamo ngamela acalo cishi ca Amoni kuba musena wakulaminako mbelele. Lyalo ndyeshi mukeshibe ayi nebo ndi Mwaami Lesa.’

Esekelo 25:7

Ono ceebo cakwaamba ayi mwakacita boobo, anebo ndaakutambika lyaansa lyangu akulengesha ayi mukasaalwe kumishobo imwi. Ndaakumunyonyoola cakumaninina kwaamba ayi teshi mukabewo tubili mushobo nabi kuba acishi caanu. Lyalo ndyeshi mukeshibe ayi nebo ndi Mwaami Lesa.’ ”

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Amosi 2:2

Ndaakutuma mulilo pacishi ca Moabu, uyo weshi ukatente malinga a ndabala ya Kelyoti. Bene Moabu balaakufwita pakati ka ciyobeyobe ca nkondo, bashilumamba kabalisha mapeenga.

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.