Agayi 2:2 - Baibo Busansulushi Bwa Libuku Ili

² “Aambila Selubabelo mwanaakwe Sheyalutyelo, mweendeleshi wa cishi ca Juda, Joshuwa mwanaakwe Jeosadaki, mupailishi munene, alimwi abantu abo bakalinga bacaalaawo. Ubeepushe ayi,

Agayi 2:2 ပူးပေါင်းရင်းမြစ်များ

Esila 1:8

Sailasi mwaami wa bene Pesha wakatuma Mitiledati shikulama buboni ayi ashileete. Lyalo wakashibala akushipa Sheshibasa mweendeleshi wa cishi ca Juda.

Esila 2:63

Mweendeleshi wakabambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Esila 3:2

Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.

Neyemiya 8:9

Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.

Agayi 1:1

Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.

Agayi 1:12

Kuswawaawo Selubabelo mwanaakwe Sheyalutyelo, Joshuwa mwanaakwe Jeosadaki mupailishi munene abantu bamwi bakacaalaawo, boonse bakasumina kukonkela mulawo wa Mwaami Lesa, Lesa wabo. Bantu abo bakalinga kuloonda akunyumfwila maswi angu neAgayi mukwiinga Mwaami Lesa, Lesa wabo ngowakantuma.

Agayi 1:14

Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.