Abakuku 3:4 - Baibo Busansulushi Bwa Libuku Ili

⁴ Bulemu bwakwe bwakalinga anga ndisuba litooswa. Mibengebenge yakaswa mumaansaakwe umo mwaakashisa nkusu shakwe.

Abakuku 3:4 ပူးပေါင်းရင်းမြစ်များ

Neyemiya 9:12

Malumwi mwakalinga kubatanjilila alikumbi, mashiku mwakalinga kubamunikila munshila amulilo.

Jobo 26:14

Sombi iyi njimilimo yakwe ya peculubo. Muli njiyo, swebo tulanyumfwabo kutepeta kwakwe. Anu ngani weenga weshiba mankalunkalu atondesha nkusu shakwe?”

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 18:12

Mucitubilishi ca bulemu bwakwe mwakalinga kuswa makumbi, imfula ya mabwe, alimwi akubeka kwa mfula.

Kulonga 13:21

Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku.

Kulonga 14:20

pakati ka bene Ijipiti alimwi abene Isilaeli. Lyalo likumbi lyakalengesha munshinshe kubene Ijipiti, sombi lyakapa mumuni kubene Isilaeli. Aboobo bashilumamba ba makoto obilo ayo bakaalilwa kukumana mashiku oonse.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Esekelo 1:27

Kuswa mubukome bwakwe kuya peculu, ndakabona cakalinga kuboneka anga nceela casalala kukulungula mumulilo. Kuswa mubukome kuya panshi wakalinga kuboneka anga ngumulilo alimwi wakalinga kushingulukitwe amumuni utuba tuu.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.