Abakuku 3:10 - Baibo Busansulushi Bwa Libuku Ili

¹⁰ Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Abakuku 3:10 ပူးပေါင်းရင်းမြစ်များ

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Kulumbaisha 148:7

Amulumbaishe Mwaami Lesa nobapacishi ca panshi, banyama bamumaanshi anolweenge lulaamfu.

Kulumbaisha 18:15

Panshi lya lweenge pakacaalabo patuba, lwiimbi lwa cishi ca panshi lwakafwekulwa NoBaami baLesa ndimwakakalalila balwani banu. Ee, noBaami baLesa mwakababulumina cabukali.

Kulumbaisha 65:13

Luundu loonse luliswitebo mbelele, amwalo mushinyika mwasulabo witi. Shoonse ishi shitokoolobesha akwiimba cakusangalala.

Kulumbaisha 66:6

Wakaalula lweenge lwaba inshi iyumu. Bamashali besu bakulukulu bakasubuka mulonga amyeendobo. Paceebo ceeco tulasangalala abuumbi muli nguwe pacikani ico.

Kulumbaisha 93:3

NoBaami baLesa, lweenge lutoowoota, maanshi atoolila akuwoota abuumbi!

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 55:12

“Aboobo mulaakuswa muBabiloni kamusangalete. Mulaakutanjililwa akuswaamo caluumuno. Tulundu tunene atuniini tulaakutalika kwiimba. Ashalo shisamu shilaakoolobesha cakusangalala.

Jelemiya 4:24

Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Mateyo 8:24

Mpomunyaawo kwakaba cipuupu cinene pamaanshi cakwaamba ayi maaba akatalika kwinjila mubwaato. Sombi Jesu wakalinga kulete.

Bene Ebulu 11:29

Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.

Joshuwa 4:18

Ingayi bapailishi bashikebo petala kabayumwite Libokoshi lya Cipangano ca Mwaami Lesa, maanshi akatalika kukunka muMulonga wa Joodani akwisula bweenka mbuli kataanshi.

Ciyubululo 16:12

Alakwe munjelo wasanu awomwi wakapukwita shakalinga mumbale yakwe ifongomene paMulonga unene wa Yufuletisi. Mulonga uyu wakayuma kwaamba ayi bamaami ba kwicwe bacane pakwiinda.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 6:14

Alyalo liculu lyakashiminganabo anga nimpasa itoofungeelwa. Mpeeke tulundu alimwi ansuumbu shoonse shakakushikwa mumisena ya nshisho.