Abakuku 2:3 - Baibo Busansulushi Bwa Libuku Ili

³ Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Abakuku 2:3 ပူးပေါင်းရင်းမြစ်များ

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

Kulumbaisha 102:13

Mulaakunyamuka akunyumfwila nkumbu pandabala inene ya Siyoni, mukwiinga ciindi cakwiilekelela cashikila. Ee, ciindi ceelete cashikila.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Kulonga 12:41

Pabushiku myaaka iyo ili myaanda yone amakumi otatwe ndiyakamana, mikowa ya bantu ba Mwaami Lesa yoonse yakaswaamo mucishi ca Ijipiti.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Esekelo 30:9

“Bushiku ubo bwaakushikila alimwi cishi ca Ijipiti caakunyonyoolwa, ndaakutuma beshinkombe bangu mumaato kuya mukuloondesha bene Kushi bashiite kwakubula cakulisukama kwiinda mukubalwiita ayi kunyonyooka kwabo kulaakwisa. Bushiku ubo ncakwiila bulaakwisa.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Bene Galatiya 4:2

Mwaana uyo ulyeelete kunyumfwila bamulela alimwi abaabo beshikulama buboni bwakwe kushikila ciindi baishi ncebakabamba.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.