Abakuku 2:13 - Baibo Busansulushi Bwa Libuku Ili

¹³ Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Abakuku 2:13 ပူးပေါင်းရင်းမြစ်များ

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 50:11

Sombi mwebo noonse nomukunka mililo akulinyanshila shimunimweenge kamweenda mumumuni wa mililo yanu awa shimunimweenge nshemwakalinyanshila. Mwaami Lesa ulaakulengesha mapensho kumucitikila, ncakwiila mulaakuba mumapensho ayoosha.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Jelemiya 51:58

Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”