Abakuku 2:1 - Baibo Busansulushi Bwa Libuku Ili

¹ Nebo neAbakuku ndaakwiimikana anga ngushikulindilila paŋanda ilaamfu yakusompelaawo. Ndaakunoolindila kunyumfwa Mwaami Lesa nsheshi akandwiite ayi ŋambe akukumbula kwakwe pamatongooshi ngooncite.

Abakuku 2:1 ပူးပေါင်းရင်းမြစ်များ

2 Samwelo 18:24

Ono Defedi ndyaakalinga kushiite pakati lya mwinjililo wa pansengwe awa mukati, shikulindilila wakatanta peculu lya ciluli ca mwinjililo kufwaafwi alilinga. Ingayi alangilishe kunembo, wakabona muntu keesa cicica eenka.

2 Baami 17:9

Bene Isilaeli bakacita shintu Mwaami Lesa nshaatakwe kusuminisha. Bakalinga kupanga misena yakulambililaako ya patulundu mumandabala abo oonse, nkokwaamba ayi aniini alimwi aanene.

2 Baami 9:17

Ushikulindilila paŋanda ilaamfu kuJesiliilu wakabona Jewu abashilumamba bakwe kabesa, wakoolobesha ayi, “Ndabona bashilumamba batoosa!” Jolamu wakaamba ayi, “Tumaako shiliaki aye eepushe na besabo muluumuno.”

Jobo 31:35

“Sa taaku weshi akutikewo nsheentokwaamba? Ntoolumbila kwaamba ayi maswi angu aya oonse ngalushinisho. Lesa Shinkusu shoonse aanshinine. Mulwani wangu aalembe milandu njaatoompa.

Jobo 31:37

Naakwiinga ndaambila Lesa shintu shoonse nshendakacita akuya mukubapolela mbuli mwanaamwaami kunembo lyakwe.

Kulumbaisha 5:3

Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.

Kulumbaisha 85:8

Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.

Isaya 21:5

Amubone babamba matebulu, bayala mpasa, balya akunwa! Ono cakuteengashila banyumfwabo liswi kalyaamba ayi, “Amunyamuke mwebo nobamatanjilili ba bashilumamba munanike mafuta kumayawo anu.”

Isaya 21:6

Lyalo Mwaami Lesa wandwiita ayi, “Koya utumeeko shikulindilila kwaamba ayi aluule nsheshi abone.

Isaya 21:8

Mpeeke shikulindilila wakoolobesha ayi, “Nkambo, malumwi amalumwi ndeemikana paŋanda ilaamfu yakulindilililaawo. Mashiku amashiku ndeemikana pakusompela akulindilila.

Isaya 62:6

Webo Jelusalemu, pamumbu shako ndabikaawo beshikulindilila. Teshi bakoomuneewo mashiku amalumwi. Mwebo nomwiibalusha Lesa pasheesho nshaakashomesha, amutolelele cakutookesha.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 33:7

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

2 Bene Kolinto 13:3

Ono ndyeshi mukabone citondesho kwaamba ayi Klistu ngowaamba muli ndime. Taalefuki pakumucita mbomweelete, sombi ulatondesha nkusu shakwe pakati kanu.

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,