Abakuku 1:8 - Baibo Busansulushi Bwa Libuku Ili

⁸ “Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

Abakuku 1:8 ပူးပေါင်းရင်းမြစ်များ

Jobo 9:26

Sheenda lubilo anga mbwaato bwa mabuba. Sheendabo anga ngucikupwi usuni kufupula cakulya.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 48:40

Mwaami Lesa waamba ayi, “Amubone! Mushobo umwi ulaakufupula Moabu anga ngumumbankwashi ufungulwite mapapaminwa akwe pacishi ico.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Malilo 4:19

Abo bantu bakalinga kututandaanya bakalinga kucabeene kwiinda bamumbankwashi mwiculu. Bakatutandaanya kuya mukwiinda mutulundu akutubelamina muluyanga.

Esekelo 17:12

“Ipusha mushobo waashu uyo ayi, ‘Sa tamwishi busansulushi bwa shintu ishi?’ Ubalwiite ayi, ‘Mwaami wa bene Babiloni wakaya kuJelusalemu akubwesa mwaami wa mumo alimwi abacinenenene bakwe wabatola kuBabiloni.

Esekelo 17:3

kubeshibisha nebo neMwaami Lesa Shinkusu shoonse nshentokwaamba. Cikoshanyo ico ncakwaamba ayi, ‘Kwakalinga mumbankwashi munene wakalinga kucite mapapaminwa ankusu amapepe alaamfu a mishobo ipusenepusene. Mumbankwashi wakoolukila kuLebanoni akucata kwiculu lya cisamu ca sida.

Esekelo 26:11

Bashilumamba beshikulwanina pamaaki balaakuwuumuka mumikwakwa yoonse akucaya bantu bako kumupeeni. Macinko ako ayumu alaakuwishikwa.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Naamu 2:5

Bashilumamba babo bakusaloola beetikwa, sombi batoolisuntula pakuya ceenda. Batoofuumukila kulubumbu uko nkobatoobika cakulifunishako kuumwa pamitwi.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Mateyo 24:28

“Kuli koonse kuli mutuntu, amakubi nkwaabungana.

Luka 17:37

Bashikwiiya bakamwiipusha ayi, “Nkambo, nkuli nkweshi shikacitikile ishi?” Jesu wakakumbula ayi, “Uko kuli mutuntu, aalo makubi nkweshi akabungane.”

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.