Abakuku 1:4 - Baibo Busansulushi Bwa Libuku Ili

⁴ Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.

Abakuku 1:4 ပူးပေါင်းရင်းမြစ်များ

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Jobo 21:7

“Ceebonshi bamucita shibi balatolelela kuba abuumi? Ceebonshi balo balacembela akuswitilila mushintu shoonse?

Kulumbaisha 11:3

Na lushomo lutooya cinyonyoolwa muntu ululeme inga wacitanshi?”

Kulumbaisha 119:126

NoBaami baLesa, ciindi cashikila ncemweelete kucitawo comwi ceebo bantu batoopwaya milawo yanu.

Kulumbaisha 22:12

Balwani baanji bambika pakati anga mbacende. Boonse banshinguluka anga mbacende bacite nkusu ba kuBashani.

Kulumbaisha 22:16

Likoto lya bantu babiibi lilinshingulukite, bambika pakati anga ndikoto lya baumpe. Bayasa maansaangu ashimpanta shangu.

Kulumbaisha 59:2

Amumfuune kubamucita shibi aba. Amumpulushe kubantu bacayi abo.

Kulumbaisha 59:4

Kutaaku acilubo ncendakacita batoopilingana akunoolumbila kulwana. Amunyamuke ono, mwise muncaafwe akulibonena citoocitika!

Kulumbaisha 94:3

NoBaami baLesa citooba ciindi cilaamfu buyani? Citooba ciindi cilaamfu buyani bamucita shibi kabakondwa?

Kulonga 23:2

Mutanookonkela likoto lya bantu na batoobisha nabi na batoopa bukamboni bulengesha kusendeka koombolosha kululeme.

Kulonga 23:6

“Mutanyengeleli mukandu pakumoombolosha munkuta.

Isaya 5:20

Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.

Isaya 59:12

“NoBaami baLesa, ncakwiila milandu yesu njiinji pameenso anu. Shibiibi shesu shitootushinina shiine. Shilubo shesu ncakwiila tashitushiili musena, alimwi kusotoka milawo kwesu koonse twakusumina.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 12:6

Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Jelemiya 8:7

Nkobokobo shilishi ciindi ncesheelete kuboolelamo. Ashalo mpolobe, tumimbya amatongola shilishi ciindi ncesheelete kulonga. Sombi balo bantu bangu tabeshi nsheensuni nebo neMwaami Lesa.

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Osiya 10:4

Balashomesha kucita shintu shiinji, kushomesha cakulumbila cakubeca akupanga shipangano shiinji shitaaku mboshibete. Mwasandula bululami kuba kutalulama alimwi kutookula anga ninsaku mumuunda wakashabwa.

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Amosi 5:7

Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.

Maako 7:9

Jesu wakatolelela akubaambila ayi, “Mulicite nshila ya bucenjeshi iyo njemushiilaamo milawo yakwe Lesa, kwaamba ayi muyumye milawo yanu ya bakulukulu.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Milimo ya Batumwi 7:59

Ndibakalinga kumuuma mabwe, Sitifini wakalinga kupaila kaamba ayi, “NoBaami bangu baJesu, amutambule muuya wangu!”

Bene Loma 3:31

Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.