2 Samwelo 9:9 - Baibo Busansulushi Bwa Libuku Ili

⁹ Lyalo Defedi wakatumina Siba musebenshi wakwe Saulo nkombe ayi ese. Mpomunyaawo wakamwaambila ayi, “Mushikulu wa mwaami wako ndamupa shintu shoonse shakalinga shakwe Saulo abamuŋanda yakwe.

2 Samwelo 9:9 ပူးပေါင်းရင်းမြစ်များ

2 Samwelo 16:3

Mpeeke mwaami Defedi wakeepusha ayi, “Ino Mefibosheti mwishikulu wakwe Saulo mwaami wako uli kuli?” Siba wakakumbula ayi, “Ulekala muJelusalemu mukwiinga ulishomete kwaamba ayi bulya bene Isilaeli balaakumubooshesha bwaami bwakalinga bwa bankambiyakwe baSaulo.”

2 Samwelo 16:4

Mwaami Defedi wakaambila Siba ayi, “Ono bulya shoonse shakalinga shakwe Mefibosheti, nshaako.” Siba wakaamba ayi, “Ndaalaala nemusebenshi wanu. Kamumfwita nkumbu lyoonse nkambo nobaami bangu.”

2 Samwelo 19:29

Mpomunyaawo mwaami Defedi wakaamba ayi, “Mbubo ono. Nebo ndayeeya kale kwaamba ayi buboni bwakwe Saulo mububaane mwebo nobilo aSiba.”

2 Samwelo 19:30

Mefibosheti wakakumbula ayi, “Sobwe nkambo, amuleke Siba abubweese boonse. Mukwiinga mwebo nobaami bangu mbomwesa kamulibo kabotu, kuli ndime cakwana.”

Isaya 32:8

Sombi muntu ulemekwa ngooyo ushomeka, alimwi ushimpa mukusuminisha shiluleme.

1 Samwelo 9:1

Ono kwakalinga musankwa mubile alimwi wakalinga kulemekwa abuumbi uyo wakalinga kwiitwa ayi Kishi wa mumukowa wakwe Benjameni. Wakalinga mwanaakwe Abiyelo alimwi mwishikulu wakwe Seloli. Kishi wakalinga womwi wa bamuŋanda yakwe Bekolati, wa mucipani cakwe Afiya.