2 Samwelo 9:11 - Baibo Busansulushi Bwa Libuku Ili

¹¹ Mpomunyaawo Siba wakaambila mwaami ayi, “Nebo nemusebenshi wanu, ndaakucita cili coonse nceshi mukaambe ayi ncite nobaami bangu nomundela.” Munshila iyo Mefibosheti wakalya tebulu yomwi aDefedi bweenka mbuli baana ba mwaami.

2 Samwelo 9:11 ပူးပေါင်းရင်းမြစ်များ

2 Samwelo 15:15

Bacinenenene ba mwaami abo bakakumbula ayi, “Swebo sobasebenshi banu tulisuminite kucita cili coonse mwebo nobaami nceenga mwayanda.”

2 Samwelo 19:17

Shimeyi wakalinga abasankwa bene Benjameni bali 1,000. Alakwe Siba, musebenshi wakwe Saulo ulya, wakesaabo kaali abana bakwe basankwa bali likumi abosanwe alimwi abasebenshi bakwe bali makumi obilo. Bakeendesha kushika kuJoodani mwaami Defedi kaatana.

2 Samwelo 19:24

Mpeeke Mefibosheti, mwishikulu wakwe Saulo, wakesa alakwe mukukumanya mwaami Defedi. Musankwa uyo, mwaami Defedi mbwaakaswita muJelusalemu, taakwe kusambawo kumyeendo, kucesawo ndesu nabi kucapawo shakufwala kushikila mwaami Defedi ndyaakakoma akupiluka.

2 Samwelo 19:26

Alakwe wakakumbula ayi, “Nkambo nobaami bangu, mbweeke mbomwishi kale ayi ndi mulema myeendo, ndakaambila musebenshi wangu ayi ambikileko cakwikalaawo pambongolo yangu kwaamba ayi nyendeleewo nooya amwaami. Sombi Siba musebenshi wangu nkunyinda kumaano

2 Samwelo 9:10

Ono webo, bana bako abasebenshi bako, mulyeelete kunoomulimina akumutebwita shishango kwaamba ayi bamuŋanda ya mwaami wako banoolamwa. Sombi lakwe Mefibosheti, mwishikulu wa mwaami wako, ulaakunoolya tebulu yomwi anebo lyoonse.” Siba uyo wakalinga kucite baana basankwa bali likumi abosanwe alimwi abasebenshi bali makumi obilo.

2 Samwelo 9:12

Mefibosheti wakalinga kucite mwaana musankwa womwi muniini wakalinga kwiitwa ayi Mika. Ono boonse bamuŋanda yakwe Siba bakaba basebenshi bakwe Mefibosheti.

2 Samwelo 9:13

Lyalo Mefibosheti, uyo wakalinga mulema myeendo yoonse yobilo, wakalinga kwikalabo muJelusalemu ceebo lyoonse wakalinga kulita kuŋanda ya mwaami Defedi.