2 Samwelo 8:6 - Baibo Busansulushi Bwa Libuku Ili

⁶ Mpomunyaawo Defedi wakayakaamo misumba ya bashilumamba mucishi ca bene Silya bamuDamasikasi. Lyalo bakaba basebenshi bakwe Defedi akutalika kumutolela misonko. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

2 Samwelo 8:6 ပူးပေါင်းရင်းမြစ်များ

2 Samwelo 10:19

Lyalo bamaami, abo bakalinga basebenshi bakwe Adadesa, ndibakabona ayi bakomwa kubene Isilaeli, bakabasenga luumuno. Mpeeke bakaba basebenshi kubene Isilaeli. Kuswawaawo bene Silya bakalinga kuloonda kucafwa tubili bene Amoni.

2 Samwelo 23:14

Paciindi ico Defedi wakalinga mucimfwengo alyalo likoto lya bashilumamba ba bene Filisiti lishikushinkila lyakalinga kuBetileemu.

2 Samwelo 3:18

Anu ici ceenka nceciindi canu. Na muliibalukite, Mwaami Lesa wakaamba pali Defedi ayi, ‘Kwiinda mumusebenshi wangu Defedi, ndaakufuna bantu bangu kuswa kubene Filisiti akubalwani babo bamwi boonse.’ ”

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

2 Samwelo 7:9

Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

2 Samwelo 8:14

Mucishi cabo wakashiya wayakamo misumba ya bashilumamba. Mpeeke bene Edomu boonse bakaba basebenshi bakwe Defedi. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

2 Samwelo 8:2

Mpeeke Defedi wakakoma abene Moabu. Bene Moabu wakabooneka panshi boonse akubapima alutambo. Lyalo abo bakalinga kukwana shipimo shobilo sha lutambo, wakabacaya akuleka baabo batakalinga kushika waawo. Munshila iyo bene Moabu bakaba basebenshi bakwe Defedi akutalika kumutolela misonko.

2 Samwelo 8:7

Defedi wakabwesa mayawo agolodi ayo bacinenenene bakwe Adadesa ngobakalinga kunyamuna akwaatola kuJelusalemu.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

2 Baami 1:1

Aabu mwaami wa bene Isilaeli ndyaakafwa, bene Moabu bakabukila bene Isilaeli.

2 Baami 14:28

Shintu shimwi shoonse shakacita Jeloboamu ankoondo nshaakalwana alimwi ambwaakaboosha ndabala ya Damasikasi aya Amati mumaansa abene Isilaeli alimwi, shililembetwe mulibuku lya buumi bwa bamaami ba bene Isilaeli.

2 Baami 18:7

Paceebo ceeco Mwaami Lesa wakalingaakwe alimwi wakalinga kuswitilila mushintu shoonse nshaakalinga kucita. Mpeeke wakabukila mwaami wa bene Asilya akukaka kumusebensela.

2 Baami 3:4

Mesha mwaami wa bene Moabu wakalinga kusunga mbelele. Mwaaka womwi awomwi wakalinga kubenga twana twa mbelele tuli 100,000 abooya bwa mbelele shisankwa shili 100,000 ayi ngumusonko.

1 Makani 18:13

Mucishi cabo wakashiya wayakamo misumba ya bashilumamba. Mpeeke bene Edomu boonse bakaba basebenshi bakwe Defedi. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

2 Makani 17:2

Wakabika bashilumamba mumandabala oonse a bene Juda ayo akalinga kucite malinga, mandabala amwi a mucishi ca Juda alimwi amumandabala ayo Asa ngwaakakoma mucishi ca Efuleemu.

Kulumbaisha 140:7

NoBaami baLesa noBeshinkusu shoonse, Bapulushi bangu, ndimwe mumfuna pabushiku bwa nkondo.

Kulumbaisha 60:10

Taaku abamwi sobwe, ndimwe nweenka nomwatukaka, ee, mwebo nweenka nobaLesa nomwacileka kuya abashilumamba besu kunkondo.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

1 Samwelo 14:1

Bumwi bushiku Jonasani mwanaakwe Saulo wakaambila musankwa cikula bwangu wakalinga kunyamuna shakulwanisha shakwe ayi, “Atusubuke tuye kumisumba ya bene Filisiti.” Nakubi boobo taakwe kulwiita baishi.

1 Samwelo 14:15

Bashilumamba bene Filisiti boonse bakalinga mumishi bakaloonda abuumbi. Abo bakalinga baya mutukoto abaabo bakalinga pamisumba bakalinga kunootutumabo kuboowa. Inshi yakatenkaana, alimwi kwakaba kupilingana kunene abuumbi.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”