2 Samwelo 8:2 - Baibo Busansulushi Bwa Libuku Ili

² Mpeeke Defedi wakakoma abene Moabu. Bene Moabu wakabooneka panshi boonse akubapima alutambo. Lyalo abo bakalinga kukwana shipimo shobilo sha lutambo, wakabacaya akuleka baabo batakalinga kushika waawo. Munshila iyo bene Moabu bakaba basebenshi bakwe Defedi akutalika kumutolela misonko.

2 Samwelo 8:2 ပူးပေါင်းရင်းမြစ်များ

2 Samwelo 12:31

Bantu ba mumo wakabapa ncito yakusebensesha shakutimbusha mapulanga, mase, tweembe akubakakatisha kunokuuma ncelwa. Wakacita bweenka ubo akumandabala amwi a bene Amoni. Lyalo lakwe abashilumamba bakwe bakaboolela kuJelusalemu.

2 Samwelo 8:6

Mpomunyaawo Defedi wakayakaamo misumba ya bashilumamba mucishi ca bene Silya bamuDamasikasi. Lyalo bakaba basebenshi bakwe Defedi akutalika kumutolela misonko. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

2 Baami 1:1

Aabu mwaami wa bene Isilaeli ndyaakafwa, bene Moabu bakabukila bene Isilaeli.

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

1 Makani 18:2

Mpeeke Defedi wakakoma abene Moabu. Aboobo bene Moabu bakaba basebenshi bakwe Defedi akutalika kumutolela misonko.

2 Makani 26:8

Bene Amoni bakalinga kuleta musonko kuli Usiya, lyalo wakaba ankusu abulemu buunji cakwaamba ayi wakaya mpuwo kushika akucishi ca Ijipiti.

Kulumbaisha 108:9

Moabu njembale yangu yakusambilaamo, alimwi nkwabilo shangu ndaakushiwaala pali Edomu. Ndaakoolobesha cakukoma pabene Filisiti.”

Kulumbaisha 18:45

Ncakwiila boonse balaloonda, balaswa mobayuba kabatutumabo.

Kulumbaisha 60:10

Taaku abamwi sobwe, ndimwe nweenka nomwatukaka, ee, mwebo nweenka nobaLesa nomwacileka kuya abashilumamba besu kunkondo.

Kulumbaisha 60:8

Moabu njembale yangu yakusambilaamo, alimwi nkwabilo shangu ndaakushiwaala pali Edomu, akoolobesha cakukoma pabene Filisiti.”

Kulumbaisha 83:6

Balwani abo mbene Edomu, bene Ishimaeli, bene Moabu bene Aga,

Isaya 36:16

Mutakutiki shitokwaamba Esekiya. Mwaami wa bene Asilya waamba ayi musweemo mundabala iyi akulyaaba mumaansaakwe. Lyalo mulaakusuminishikwa kunoolya minyansa kushisamu shanu, ankuuyu kushisamu shanu alimwi akunwa maanshi kuswa mumikalo yanu nobeene.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.

1 Samwelo 14:47

Lyalo Saulo ndyaakaba mwaami wa bene Isilaeli, wakalwana balwani bakwe boonse kumbasu shoonse. Wakalwana bene Moabu, bene Amoni, bene Edomu, bamaami ba Soba alimwi abene Filisiti. Kuli koonse nkwaakaya mukulwana wakabakoma.

1 Samwelo 22:3

Kuswa kooko Defedi wakaya kuMisipa muMoabu akwaambila mwaami wa kuMoabu ayi, “Sa inga tamusuminishi bata abama kwisa mukwikalaanu kushikila nkeshibe Mwaami Lesa nceshi akancitile?”

1 Samwelo 22:4

Lyalo wakashiya baishi amwaami wa bene Moabu. Mpeeke bakekalaabo ciindi coonse Defedi ncaakalinga kuyubite mucimfwengo.