2 Samwelo 7:8 - Baibo Busansulushi Bwa Libuku Ili

⁸ “Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

2 Samwelo 7:8 ပူးပေါင်းရင်းမြစ်များ

2 Samwelo 12:7

Mpeeke Natani wakaambila Defedi ayi, “Muntu uyo ndimwe! Amukutike! Mwaami Lesa, Lesa wa bene Isilaeli waamba ayi, ‘Ndakakusala kuba mwaami wa bene Isilaeli kwiinda mukukunanika mafuta akukufuna ayi Saulo atakucaayi.

2 Samwelo 14:13

Mpeeke mwanakashi uyo wakaamba ayi, “Ino mwacitilanshi cilubo ca mushobo uyu kubantu bakwe Lesa? Amubone tamukwe kusuminisha mwanaanu musankwa kupiluka kuswa mucishi ncaakalobokelaako. Sa te bulya mwalipa mulandu nobeene musheesho nshemwaswa mukwaamba?

2 Samwelo 23:1

Ono aya ngamaswi akweelaako akwe Defedi. Ngamaswi abulaluki akwe Defedi mwanaakwe Jese, maswi a muntu wakasumpulwa kuMwaami Lesa Wiindaawo, musankwa uyo Lesa wakwe Jakobo ngwaakasala kuba mwaami. Ncakwiila uyo shikwiimba nyimbo shibotu wa bene Isilaeli.

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

2 Samwelo 6:21

Defedi wakakumbula Mikali ayi, “Ndalinga kushana mukulemeka Mwaami Lesa uyo wakansala kuleka baiso abamuŋanda yabo, kwaamba ayi mbe muleli wa bantu bakwe bene Isilaeli. Ndaakunoosekelela mukulemeka Mwaami Lesa,

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

1 Makani 17:7

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

1 Makani 21:17

Mpeeke Defedi wakapaila ayi, “NobaLesa, ndime ndakabisha. Ndime ndakaamba ayi bantu babelengwe. Ino balo bacitanshi? NoBaami baLesa, baLesa bangu amupe ndime mulandu abamuŋanda yangu, mutaleeki mwaalu kukalilila pabantu banu aba.”

Amosi 7:15

Sombi Mwaami Lesa wakankusha kumulimo wangu wa bweembeshi akundwiita ayi, ‘Koya ukalalukile bantu bangu bene Isilaeli.’

Milimo ya Batumwi 7:46

uyo Lesa ngwaakasuna abuumbi muncito yakwe. Lyalo wakasenga Lesa ayi amusuminishe kumuyakila Ŋanda, lakwe uli ngoLesa wakwe Jakobo.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”