2 Samwelo 7:27 - Baibo Busansulushi Bwa Libuku Ili

²⁷ Ncakwiila noBaami baLesa noBeshinkusu shoonse, baLesa ba bene Isilaeli! Mwayubulula shintu shoonse kuli ndime nemusebenshi wanu, alimwi mwaamba ayi, ‘Ndaakukupa bamulunyungu beelete kuba mpyani sha bwaami bwako.’ Mpaceebo ceeci ncendabulila boowa kupaila mushobo uyu.

2 Samwelo 7:27 ပူးပေါင်းရင်းမြစ်များ

2 Samwelo 7:11

alimwi akuswabo ciindi ndindakasala boomboloshi ayi batanjilile bantu bangu bene Isilaeli. Ono ndaakukupa luumuno mukulengesha balwani bako boonse bakushingulukite kubula luta. Nebo neMwaami Lesa ndaakukupa bamulunyungu.

2 Samwelo 7:13

Mwanaako uyo ngweshi akanjakile ŋanda alimwi ndaakulengesha ayi bamulunyungu lwakwe bakanoolelabo kwalyoonse alyoonse.

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Kulonga 1:21

Ono mukwiinga banakashi abo bakalinga kuloonda Lesa, wakabapa baana baanji.

Lute 4:4

Aboobo ndayeeya kwaamba ayi ndyeelete kukwishibisha cikani ici. Ono na ulisuni kuwuula, wuule pameenso a bamanene aba bashiite pano. Sombi na toosuni waambe, ceebo ndiwe weelete kutaanguna kwiipushikwa shakuula muunda ulya, pesule ndime.” Musankwa uyo wakaamba ayi, “Ntoowuula.”

1 Samwelo 2:35

Ndaakusala mupailishi weshi akanooshomeka akucita shoonse nsheensuni ayi acite. Ndaakumupa bamulunyungu lwakwe abo beshi bakanoosebensabo pameenso a mwaami ngweshi nkasaale.

1 Samwelo 9:15

Ono bushiku bwakeenda Mwaami Lesa wakaambila Samwelo ayi,