2 Samwelo 7:23 - Baibo Busansulushi Bwa Libuku Ili

²³ Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

2 Samwelo 7:23 ပူးပေါင်းရင်းမြစ်များ

2 Samwelo 7:24

Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.

1 Makani 17:21

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi kuswa kunembo lya bantu banu. Ee, bantu abo mbomwakafuna kuswa mucishi ca Ijipiti.

Neyemiya 1:10

“NoBaami baLesa aba mbasebenshi banu alimwi mbantu banu, abo mbomwakafuna kwiinda munkusu shanu shiinji, ee, nkusu shanu shiindaawo.

Kulumbaisha 106:22

Wakacita shaankamiko mucishi cakwe Amu amilimo ikankamika abuumbi kuLweenge Lusalala.

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Kulumbaisha 145:6

Bantu balaakunokwaamba pamilimo yanu yankusu iyoosha. Nebo ndaakunokwaambilisha shamicito yanu inene.

Kulumbaisha 147:20

Taaku mushobo umwi ngwaakacitila boobo, ceebo bamumishobo imwi tabeshi milawo yakwe. Amulumbaishe Mwaami Lesa!

Kulumbaisha 40:5

Shintu shikankamika nshemwakatucitila nshiinji, noBaami baLesa, baLesa besu. Taaku ukonsha kushimika shintu nshemwakatubambila. Nshikoonshi kushaamba shoonse mukwiinga shafulisha.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Kulonga 9:15

Nindakamupa mulandu kwiinda mukuleta mwaalu wa bulwashi pali ndiwe alimwi abantu bako bamucishi, naakwiinga noonse mwakanyonyoolwabo kalekale.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Jelemiya 32:20

Mwakacita shitondesho sha nkusu sha kwiculu ashaankamiko mucishi ca Ijipiti isho nshemucicita abobulya muIsilaeli alimwi apakati ka mishobo imwi. Paceebo ceeco mulicite mpuwo kuli koonse.

Jelemiya 32:21

Mwakaloondesha balwani besu kwiinda mukucita shitondesho sha nkusu sha kwiculu ashaankamiko. Munshila iyo mwakasebensesha nkusu shanu kukusha bene Isilaeli bantu banu muIjipiti.

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Shakubelenga 6:27

Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Dutolonomi 10:21

Amumulumbaishe ceebo nguLesa wanu. Mwebo nobeene mwakabona ameenso anu shintu shikankamanisha nshaakacita ceebo ca ndimwe.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Joshuwa 7:9

Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.