2 Samwelo 7:22 - Baibo Busansulushi Bwa Libuku Ili

²² “Ncakwiila mwebo noBaami baLesa noBeshinkusu shoonse mulalemekwa abuumbi! Taaku wiinda ndimwe alimwi taaku lesa aumwi, sombibo mwebo nweenka bweenka mbotunyumfwa amatwi esu.

2 Samwelo 7:22 ပူးပေါင်းရင်းမြစ်များ

2 Samwelo 22:32

Mwaami Lesa eenkabo ngoLesa. Taaku shikufuna umwi kulekabo nguwe.

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

1 Makani 16:25

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

2 Makani 2:5

Ŋanda yakwe Lesa iyo njeshi nkayake ilaakuba yabulemu mukwiinga Lesa wesu ulicite bulemu kwiinda balesa bamwi boonse.

Kulumbaisha 135:5

Ndishi kwaamba ayi Mwaami Lesa ngumunene, ngumunene kwiinda balesa bamwi boonse.

Kulumbaisha 145:3

Mwaami Lesa ulicindeme abuumbi, aboobo ulyeelete kulemekwa camaansa obilo. Ndushinisho taaku ukonsha kwishiba bulemu bwakwe nkobweela.

Kulumbaisha 44:1

NobaLesa, twakalinyumfwila amatwi esu, bamashali besu bakulukulu bakatulwiita milimo njemwakacita munshiku shabo.

Kulumbaisha 48:1

Mwaami Lesa ulicite nkusu shikankamika! Ulyeelete kulumbaishikwa abuumbi mundabala inene yakwe Lesa, Lesa wesu, ncakwiila pakalundu kakwe kasalalite.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Kulumbaisha 86:8

NoBaami baLesa, taaku uli mbuli ndimwe pakati ka balesa bamwi boonse. Taaku ukonsha kucita shankamiko nshemucita.

Kulumbaisha 89:6

Taaku uli mwiculu weenga weelana amwebo noBaami baLesa, taaku cilengwa ca kwiculu cili coonse ceenga ceelana amwebo.

Kulumbaisha 89:8

NoBaami baLesa Beshinkusu shoonse, anu ngani uli anga ndimwe? Mwebo muli beshinkusu alimwi mulashomeka mushintu shoonse.

Kulumbaisha 96:4

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

Kulonga 10:2

Alimwi ndalengesha kuba beshicimpamya kwaamba ayi mukalwiite kabotu bana banu alimwi abamashikulu banu mbuli bene Ijipiti mbobakaboneka buluya kwiinda mushaankamiko shendakacita. Mpeeke mwebo noonse mulaakwishiba ayi ndime Mwaami Lesa.”

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 8:10

Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu.

Kulonga 8:6

Aboobo Aloni wakeetandabika pamaanshi oonse. Mpeeke mwakaswa babombwe akukumanabo cishi coonse ca Ijipiti.

Kulonga 9:14

Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.

Isaya 40:18

Anu ono Mwaami Lesa inga mwamweelanisha ani? Ncikoshanyonshi nceenga mwamweelanika ancico?

Isaya 40:25

Usalalite waamba ayi, “Anu nebo inga mwanjelanisha ani? Anu ngani uli mbuli ndime?

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Esekelo 36:22

“Paceebo ceeco lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Teshi nkacite shintu nsheshi nkacite ceebo canu nobene Isilaeli. Sombi ndaakushicita ceebo ca liina lyangu lisalalite ilyo ndimwakabisha pakati ka mishobo iyo njemwakaya mukwikalaako.

Esekelo 36:32

Ntooyanda kumushibisha ayi nshitoocita shintu ishi ceebo ca ndimwe, sobwe. Amunyumfwe nsoni akulisenda pamicito yanu mwebo nobene Isilaeli. Nebo neMwaami Lesa Shinkusu shoonse ndaamba.’ ”

Danyelo 2:45

Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Dutolonomi 3:24

‘NoBaami baLesa noBeshinkusu shoonse, ndishi kwaamba ayi mwantondeshabo matalikilo a shintu shinene shikankamika nsheshi mukacite. Taaku lesa kwiculu nabi panshi weenga wacita shintu sha nkusu shiindaawo pasheesho nshemwacita!

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 4:39

Aboobo amwiibaluke sunu alimwi mutakalubiiwo kwaamba ayi Mwaami Lesa, nguLesa kwiculu apacishi ca panshi. Taaku aumwi, sobwe.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.