2 Samwelo 7:16 - Baibo Busansulushi Bwa Libuku Ili

¹⁶ Bamulunyungu lwako balaakunoolikobo lyoonse alimwi ndaakulengesha bwaami bwako kwikala muyayaya. Buleelo bwako teshi bukamaneewo.’ ”

2 Samwelo 7:16 ပူးပေါင်းရင်းမြစ်များ

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

2 Samwelo 22:51

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

2 Samwelo 7:13

Mwanaako uyo ngweshi akanjakile ŋanda alimwi ndaakulengesha ayi bamulunyungu lwakwe bakanoolelabo kwalyoonse alyoonse.

2 Samwelo 7:17

Natani wakaluula kuli Defedi shoonse isho Lesa nshaakamuyubulwita.

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

1 Baami 9:5

ndaakucita kweelana ambondakashomesha iso Defedi ndindakamulwiita ayi bene Isilaeli bananoolelwabo abamulunyungu lwakwe lyoonse.

2 Baami 19:34

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

2 Baami 8:19

sombi Mwaami Lesa taakwe kuyeeyawo kunyonyoola cishi ca Juda mukwiinga wakalinga washomesha Defedi musebenshi wakwe ayi bamulunyungu lwakwe balaakunoolela lyoonse.

2 Makani 6:16

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

Jobo 36:7

Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

Kulumbaisha 45:6

Bwaami ubo bwakamupa baLesa mbwa lyoonse alyoonse. Mubweene bwanu mulaakweendelesha bantu banu cabululami.

Kulumbaisha 72:5

Ndaseenga kwaamba ayi mwaami abamulunyungu lwakwe banoolelabo, kushikila lisuba amweenshi shikacileeke kupa mumuni.

Kulumbaisha 89:4

‘Bwaami bulaakwikalilila pabamulunyungu lwako. Ndaakulengesha ayi buleelo bwako bukabule kumana mumashalane oonse acisa.’ ”

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 33:17

Nebo, neMwaami Lesa ndashomesha kwaamba ayi kulaakunooba mwaami wamulunyungu lwakwe Defedi mucishi ca Isilaeli lyoonsebo.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Joni 12:34

Bantu bakamukumbula ayi, “Swebo twakanyumfwa muMilawo yakwe Mose ayi Usalitwe wakwe Lesa ulakunoolikobo lyoonse, ino ono inga waamba buyani ayi, ‘MwanaaMuntu ulyeelete kupopwa pamucilingano?’ Ino MwanaaMuntu uyo ngani?”

Bene Ebulu 1:8

Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

1 Samwelo 25:28

Ndaseenga mundekelele cilubo ncindacita nemusebenshi wanu. Ncakwiila Mwaami Lesa ulaakulengesha bwaami kuba pali ndimwe abamulunyungu lwanu mukwiinga mutoolwana nkondo sha Mwaami Lesa. Aboobo akubule kubisha kwishi kucanike muli ndimwe kulilabo kamucili boomi