2 Samwelo 7:13 - Baibo Busansulushi Bwa Libuku Ili

¹³ Mwanaako uyo ngweshi akanjakile ŋanda alimwi ndaakulengesha ayi bamulunyungu lwakwe bakanoolelabo kwalyoonse alyoonse.

2 Samwelo 7:13 ပူးပေါင်းရင်းမြစ်များ

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

2 Samwelo 22:51

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

2 Samwelo 7:16

Bamulunyungu lwako balaakunoolikobo lyoonse alimwi ndaakulengesha bwaami bwako kwikala muyayaya. Buleelo bwako teshi bukamaneewo.’ ”

2 Samwelo 7:27

Ncakwiila noBaami baLesa noBeshinkusu shoonse, baLesa ba bene Isilaeli! Mwayubulula shintu shoonse kuli ndime nemusebenshi wanu, alimwi mwaamba ayi, ‘Ndaakukupa bamulunyungu beelete kuba mpyani sha bwaami bwako.’ Mpaceebo ceeci ncendabulila boowa kupaila mushobo uyu.

1 Baami 2:24

Mwaami Lesa wakambika pabwaami bwa bata baDefedi akushomesha kupa bwaami ubo kubamulunyungu lwangu. Ono kweelana ambocibete lushinisho kwaamba ayi Mwaami Lesa ngumuumi, ntooshomesha cakulumbila ayi Adonija utoocaikwa sunu lyeenka!”

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

1 Baami 2:45

Sombi nebo ulaakumpa coolwe alimwi buleelo bwakwe Defedi bunanoolibo mbwalibwe lyoonse alyoonse.”

1 Baami 5:5

Mwaami Lesa wakashomesha bata baDefedi ayi, ‘Mwanaako ngweshi akapyane bwaami bwako, ulaakunjakila ŋanda.’ Ono bulya ndayeeya kwiiyaka kwaamba ayi anoolambililwaamo Mwaami Lesa, Lesa wangu.

1 Baami 6:12

“Ono Ŋanda yangu iyi njootooyaka, na unookonkela milawo, milasho ansheŋamba, ndaakukucitila isho nshendakashomesha iso Defedi.

1 Baami 8:13

Ono ndayaka Ŋanda yanu ibotu abuumbi, musena uyo ngomweelete kwikalaamo kwamuyayaya.”

1 Baami 8:15

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

1 Baami 8:19

nakubi boobo teshi ukeeyaake webo. Mwanaako, ee, mwaana wakushala omwiine, ngweshi akayake Ŋanda yangu iyo.’

2 Baami 21:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa.”

2 Baami 21:7

Wakabika cikoshanyo cakwe Ashela lesa mwanakashi muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwaamo.

2 Baami 8:19

sombi Mwaami Lesa taakwe kuyeeyawo kunyonyoola cishi ca Juda mukwiinga wakalinga washomesha Defedi musebenshi wakwe ayi bamulunyungu lwakwe balaakunoolela lyoonse.

1 Makani 28:10

Ulyeelete kwishiba ayi Mwaami Lesa wakakusala ayi ukayake Ŋanda yakwe isalalite. Ono yaka! Wiiyake cakutatyongola.”

2 Makani 33:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa kwalyoonse alyoonse.”

2 Makani 6:16

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

Jobo 36:7

Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulumbaisha 89:21

Lyaansa lyangu linanoomucafwa. Ncakwiila mukono wangu unanoomuyumyayumya.

Kulumbaisha 89:29

Bwaami bulaakwikalilila pabamulunyungu lwako. Buleelo bwako teshi bukamaane kushikila liculu likamaane.

Kulumbaisha 89:4

‘Bwaami bulaakwikalilila pabamulunyungu lwako. Ndaakulengesha ayi buleelo bwako bukabule kumana mumashalane oonse acisa.’ ”

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 33:17

Nebo, neMwaami Lesa ndashomesha kwaamba ayi kulaakunooba mwaami wamulunyungu lwakwe Defedi mucishi ca Isilaeli lyoonsebo.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Sekaliya 6:13

Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Bene Ebulu 3:3

Muntu wayaka ŋanda ulapekwa bulemu kwiinda ŋanda iine. Paceebo ceeco, Jesu ulalemekwa kwiinda Mose.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.