2 Samwelo 6:7 - Baibo Busansulushi Bwa Libuku Ili

⁷ Mpomunyaawo Mwaami Lesa wakakalalila Usa ceebo cakutalemeka Libokoshi ilyo. Paceebo ceeco wakamucaya kufwaafwi aLibokoshi lya Cipangano ca Mwaami Lesa.

2 Samwelo 6:7 ပူးပေါင်းရင်းမြစ်များ

2 Samwelo 6:8

Lyalo Defedi wakakalala abuumbi kubona bukali bwa Mwaami Lesa mbobwakafuumukila Usa. Paceebo ceeci musena uyo abobulya uciitwa ayi Pelesi Usa.

1 Makani 13:10

Mpomunyaawo Mwaami Lesa wakakalalila Usa akumucaya ceebo cakucata Libokoshi ilyo. Mpeeke wakafwa mpomunyaawo kunembo lyakwe Lesa.

1 Makani 15:13

Mwaami Lesa wakatukalalila kataanshi ceebo mwebo nobene Lefi tamukwe kulinyamuna. Ncakwiila tatukwe kumwiipusha mbotweelete kulinyamuna.”

1 Makani 15:2

Lyalo wakaamba ayi, “Bene Lefi beenkabo mbweshi banoonyamuna Libokoshi lya Cipangano mukwiinga Mwaami Lesa mbwaakasala ayi banoolinyamuna alimwi akunoomusebensela lyoonse alyoonse.”

Shakubelenga 1:51

Lyoonse pakulonsha Tente ya Cipangano, bene Lefi balyeelete kukulula Tente akuya mukwiiyaka pamusena umwi upya. Umwi uli woonse weenga wasena kufwaafwi aTente ulaakucaikwa.

Shakubelenga 4:15

“Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.

1 Samwelo 25:38

Kuswawaawo pakeendabo nshiku likumi Mwaami Lesa wakatondesha Nabali bukali, mpeeke wakafwa.

1 Samwelo 6:19

Ono Mwaami Lesa wakacaya basankwa bene Beti Shemeshi bali makumi osanwe aobilo ceebo bakasondela muLibokoshi lya Cipangano. Bantu bakalila abuumbi ceebo Mwaami Lesa wakalengesha imfwa ya bantu baanji bobulya pakati kabo.