2 Samwelo 4:8 - Baibo Busansulushi Bwa Libuku Ili

⁸ Mutwi wakwe Ishibosheti uyo bakaushisha kuli Defedi kuEbuloni akumwaambila ayi, “Ngu mutwi wakwe Ishibosheti mwanaakwe Saulo mulwani wako uyo wakalinga kusuni kukucaya. Nkambo nobaami, sunu Mwaami Lesa wamubooshelako cishole kuli Saulo abana bakwe.”

2 Samwelo 4:8 ပူးပေါင်းရင်းမြစ်များ

2 Samwelo 18:19

Mpeeke Ayimaasi mwanaakwe Sadoki wakasenga Joabu ayi, “Amunsuminishe nkaluule makani abotu aya kubaami akwaamba ayi Mwaami Lesa wabapulusha kubalwani babo.”

2 Samwelo 18:31

Lyalo mwine Kushi alakwe wakapola akwaamba ayi, “Nkambo nobaami bangu amukutike makani abotu! Mwaami Lesa wamupulusha kuswa kubaabo boonse bakamubukila.”

2 Samwelo 2:8

Muciindi ceenka ico, Abina mwanaakwe Na, mutanjilili wa bashilumamba bakwe Saulo, wakabwesa Ishibosheti mwanaakwe Saulo akumutola kuMaanaimu kwitala lya Mulonga wa Joodani.

2 Samwelo 22:48

Ngoomboosheshako cishole kubalwani bangu, alimwi ngoobika balwani bangu mumaansaangu.

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Mateyo 2:20

akumwaambila ayi, “Nyamuka, ubooshe mwaana abanyina kucishi ca Isilaeli, mukwiinga abo bakalinga kuyanda kucaya mwaana bakafwa.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”

1 Samwelo 18:11

Saulo wakalyaamboosha ayi, “Ntoomutunga kulubumbu.” Lyalo wakawaala lisumo kuli nguwe mankanda obilo, sombi Defedi wakalileya mankanda ayo oonse.

1 Samwelo 19:1

Ono Saulo wakaambila Jonasani mwanaakwe musankwa alimwi abacinenenene bakwe boonse ayi balyeelete kucaya Defedi. Sombi Defedi kuli Jonasani taakalinga kulokelwa kalongo.

1 Samwelo 19:15

Lyalo Saulo wakaboosha bantu bakwe abo kuŋanda yakwe Defedi ayi bamuboone beene. Wakabaambila ayi, “Mumuleete kuno pabulo bwakwe kwaamba ayi mucaaye.”

1 Samwelo 20:1

Lyalo Defedi wakalobokaako kuNaiyoti muLama akuya mukwiipusha Jonasani ayi, “Ino ndacitanshi? Ino ndicite mulandunshi? Ino baiso ndababishishanshi ncebatooyanda kuncaila?”

1 Samwelo 23:15

Defedi ndyaakalinga kuOleshi muluyanga lwa Sifu, wakafwa boowa kunyumfwa ayi Saulo utoosa cimuyandoola ayi amucaaye.

1 Samwelo 24:4

Mpomunyaawo Defedi bashilumamba bakamulwiita ayi, “Ici nceciindi cako cilya Mwaami Lesa ncaakaamba ndyaakaamba ayi, ‘Ndaakwaaba mulwani wako mumaansaako kwaamba ayi ukamucite cili coonse nceshi ukasune.’ ” Mpeeke Defedi wakamubendelela akutimbula cakufwala cakwe Saulo ca Peculu kulikonko.

1 Samwelo 25:29

Nakubi kwaamba ayi kuli utoosa cimukonkela ayi amucaaye, buumi bwanu bulaakulamwa kabotu aMwaami Lesa bweenka muntu mbwaalama cintu camakwebo. Sombi buumi bwa balwani banu ulaakubuwaala kulaale mbweeke buwaalwa libwe kucipaya cakuwaalisha mabwe.