2 Samwelo 4:5 - Baibo Busansulushi Bwa Libuku Ili

⁵ Ono Lekabu aBaana, bana bakwe Limoni mwine Biyaloti, bakanyamuka akuya kuŋanda kuli Ishibosheti akupola uko lisuba kalili pafwaafwi kushika pakati ka mutwi. Ico ciindi Ishibosheti wakalinga muciindi cakookesha kwakwe kwa malumwi.

2 Samwelo 4:5 ပူးပေါင်းရင်းမြစ်များ

2 Samwelo 11:2

Bumwi bushiku macolesha Defedi wakabuka pabulo bwakwe akuya ceendaana paciluli ca ŋanda yakwe ya bwaami. Ndyaakalinga waawo, wakabona mwanakashi kaasamba bulya. Mwanakashi uyo wakalinga mubotu abuumbi.

2 Samwelo 2:8

Muciindi ceenka ico, Abina mwanaakwe Na, mutanjilili wa bashilumamba bakwe Saulo, wakabwesa Ishibosheti mwanaakwe Saulo akumutola kuMaanaimu kwitala lya Mulonga wa Joodani.

2 Samwelo 4:2

Ishibosheti wakalinga kucite baana basankwa bobilo bakalinga bamatanjilili ba makoto abeshikuya cisaala. Pabaana abo, umwi wakalinga kwiitwa ayi Baana, umwi ayi Lekabu. Wakabashala nguLimoni mwine Biyaloti wa mumukowa wakwe Benjameni. Musena wa Biyaloti wakalinga kulangwa ayi ndubasu lumwi lwa cishi ca bene Benjameni,

1 Baami 16:9

Simuli, uyo wakalinga mutanjilili wa bashilumamba musa beshikulwanina mushikoci sha maaki sha mwaami, wakapinga kucaya Ela. Bumwi bushiku muTesa, Ela wakalinga kuya cikolwa muŋanda yakwe Aasa, uyo wakalinga munene paŋanda ya bwaami.

2 Makani 24:25

Bene Silya bakaboolela akushiya mwaami Joashi kaacisitwe abuumbi. Mpeeke bacinenenene bakwe bakamubukila akumusaulula kaalete mubulo bwakwe mukuboosha cishole ceebo cakucaya mwanaakwe Jeoiyada mupailishi. Lyalo bakamubika muNdabala yakwe Defedi, sombi kuteshi mushuumbwe sha bamaami.

2 Makani 25:27

Kuswa paciindi Amasiya ndyaakashukila Mwaami Lesa, abalo bene Jelusalemu bakamubukila. Aboobo wakaloboka akuya kundabala ya kuLakishi. Sombi balwani bakwe bakamukonkela uko akumucaya.

2 Makani 33:24

Lyalo bacinenenene bakwe Amoni bakamupingila kumucaya. Ncakwiila bakamucaya muŋanda yakwe ya bwaami.