2 Samwelo 3:1 - Baibo Busansulushi Bwa Libuku Ili

¹ Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.

2 Samwelo 3:1 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

2 Samwelo 2:17

Bushiku ubo nkondo yakalula abuumbi. Mpeeke Abina abashilumamba bene Isilaeli bakakomwa kubakwe Defedi.

2 Samwelo 2:28

Mpomunyaawo Joabu wakalisha lupeenga. Lyalo bashilumamba abo boonse bakeemikana akucileka kuya citandaanya bene Isilaeli. Aboobo tabakwe kutolelela kubalwana.

2 Samwelo 22:44

“Mwakamfuna kuswa kubene misheesu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

2 Samwelo 3:6

Nkoondo ndiyakalinga kuciya pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, Abina wakeendaawo nkusu abulemu pakati ka baabo bakalinga kulubasu lwakwe Saulo.

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

1 Baami 14:30

Muciindi coonse ico mwaami Leoboamu amwaami Jeloboamu bakalingabo mbeshikulwana.

1 Baami 15:16

Asa mwaami wa bene Juda alimwi aBaasha mwaami wa bene Isilaeli bakalinga mbeshikulwanabo muciindi coonse cakulela kwabo.

1 Baami 15:32

Asa mwaami wa bene Juda alimwi aBaasha mwaami wa bene Isilaeli bakalinga mbeshikulwanabo muciindi coonse cakulela kwabo.

1 Makani 11:9

Ciindi ico nkusu shakwe Defedi shakafula abuumbi mukwiinga Mwaami Lesa Shinkusu shoonse wakalinga anguwe.

1 Makani 3:1

Aba mbobana bakwe Defedi abo mbwaakashalila mundabala ya Ebuloni. Wakwiiya wakalinga Amunoni uyo ngwaakashalila muli Ainoamu wa kuJesiliilu. Wakuboolaawo nguDanyelo ngwaakashalila muli Abigelo wa kuKamelo.

Esita 6:13

Amani wakaambila Seleshi mukaakwe ababye boonse isho shoonse shakamucitikila. Abalo beshikumupandako maano amukaakwe bakamwaambila ayi, “Modekayi uyo walengesha kuwa kwanu ngumuJuda. Teshi mukamukomeewo, tau. Nkokwaamba ayi mwebo camana mwakomwa kale!”

Esita 9:4

Ono cakapuka mubwaami bwakwe Sakisesi boonse ayi Modekayi wakaba munene muŋanda ya bwaami alimwi nkusu shakwe shakalinga kuya bufulilaako.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Jobo 8:7

Buboni bwako boonse bulya bwakanyonyooka bulaakuceya ceebo Lesa ulaakukupa buboni buunji munshiku shitoosa.

Kulumbaisha 18:43

Mwakamfuna kuswa kubantu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Ciyubululo 6:2

Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.