2 Samwelo 23:9 - Baibo Busansulushi Bwa Libuku Ili

⁹ Wakalinga kumukonkela nguEliyasa mwanaakwe Dodayi mwine Aowa. Alakwe wakalinga womwi wa “Bashilumamba Botatwe Bapukite.” Wakalinga aDefedi ndyaakasumuna bene Filisiti abo bakalinga kubungene kuPasi Damimu ayi balwane. Ciindi ico bashilumamba bene Isilaeli bamwi boonse kabali bamana kucica.

2 Samwelo 23:9 ပူးပေါင်းရင်းမြစ်များ

1 Makani 27:4

Wakalinga mutanjilili wa likoto mumweenshi wabili nguDodayi mwine Awowi. Wakalinga kumukonkela nguMikiloti.

1 Makani 8:4

Abishuwa, Naamani, Aowa,

Shikushimikila 4:12

Muntu womwi inga wakomwa, sombi bobilo balakonsha kulifuna. Lutambo lwakooswa amyaando yotatwe, talusutuki bwangu.

Isaya 63:3

“Ndakalyatoola mishobo imwi anga njiminyansa kwakubula awakancafwaako. Ndakabalyatoola paciindi ncendakalinga kukalalite. Ncakwiila ndakabalyatoola paciindi ndindakalinga kufundilite. Malowa abo akasamfookila kushakufwala shangu, alimwi ndakasombesha shakufwala shangu shoonse.

Isaya 63:5

Ndakalangalanga, sombi taaku ngondakabona weenga wancafwaako. Ndakankamana kubona kwaamba ayi taaku shikuncafwa nabi womwi. Paceebo ceeco ndakakoma kwiinda mulyaansa lyangu lya nkusu. Bukali bwangu bwakampa nkusu.

Maako 14:50

Mpeeke bashikwiiya bakwe boonse bakamupalangana, bamushiya eenka.

1 Samwelo 17:10

Sunu nobashilumamba bene Isilaeli ndamuteteesha! Amumpe muntu ngweshi tulwanaakwe.”

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.