2 Samwelo 23:1 - Baibo Busansulushi Bwa Libuku Ili

¹ Ono aya ngamaswi akweelaako akwe Defedi. Ngamaswi abulaluki akwe Defedi mwanaakwe Jese, maswi a muntu wakasumpulwa kuMwaami Lesa Wiindaawo, musankwa uyo Lesa wakwe Jakobo ngwaakasala kuba mwaami. Ncakwiila uyo shikwiimba nyimbo shibotu wa bene Isilaeli.

2 Samwelo 23:1 ပူးပေါင်းရင်းမြစ်များ

Matalikilo 49:1

Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.

2 Samwelo 22:34

Ulanengesha kulyata panshi cakushimpa, alimwi ulandama ciindi ndyeemba patulundu.

2 Samwelo 22:51

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

1 Makani 16:7

Ndyelyeelyo Defedi ndyaakapa Asafu abene Lefinyina lwiimbo ulu lwakulumba Mwaami Lesa.

1 Makani 16:9

Amumwiimbile, amwiimbe nyimbo shakumulumbaisha, amushimike isho shoonse shikankamika nshaakacita.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 72:20

Apa mpopeela mipailo yakwe Defedi mwanaakwe Jese.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulumbaisha 89:21

Lyaansa lyangu linanoomucafwa. Ncakwiila mukono wangu unanoomuyumyayumya.

Amosi 6:5

Mulisunibo kulisha nyimbo patulumbu bweenka bwakalinga kucita Defedi. Ncakwiila mulisunishi shakulishalisha akupanga nyimbo.

Luka 20:42

Mukwiinga Defedi mwiine mulibuku lya Kulumbaisha wakaamba ayi, ‘Mwaami Lesa wakaambila Mwaami wangu ayi, Kala kulyaansa lyangu lyalulyo,

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.

1 Samwelo 17:12

Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.

1 Samwelo 18:7

Mukusekelela kwabo balutundu abo bakalinga kwiimba ayi, “Saulo wakacaya shuulu ashuulu, sombi Defedi wakacaya makumi amakumi a shuulu.”

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”