2 Samwelo 22:44 - Baibo Busansulushi Bwa Libuku Ili

⁴⁴ “Mwakamfuna kuswa kubene misheesu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

2 Samwelo 22:44 ပူးပေါင်းရင်းမြစ်များ

2 Samwelo 19:14

Maswi akwe Defedi akakonda basankwa boonse bene Juda. Mpeeke abalo bakamutumina maswi akwaamba ayi, “Amuboole abashilumamba banu boonse.”

2 Samwelo 19:9

Mpeeke koonse koonse mumishi bakatalika kunokwaambana beene abeene. Bakalinga kwaambilana ayi, “Mwaami Defedi wakatupulusha kubene Filisiti akubalwani bamwi boonse. Ono mbulya waloonda Abusalomu akuswa mucishi cino.

2 Samwelo 20:22

Mpeeke walutundu uyo wakaya kubantu bamwi boonse amuyeeyo wakwe wa busongo. Lyalo bakatimbula mutwi wakwe Sheba mwanaakwe Bikili akuuwaalila Joabu. Mpomunyaawo wakalisha lupeenga, mpeeke bashilumamba bakwe boonse bakapalangana akuboolela mwabo mwabo. Alakwe Joabu wakaboolela kumwaami Defedi muJelusalemu.

2 Samwelo 3:1

Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.

2 Samwelo 5:1

Mpeeke mikowa yoonse ya bene Isilaeli yakaya kuli Defedi kuEbuloni akwaamba ayi, “Swebo amwebo tuli bulowa bomwi.

Kulumbaisha 110:6

Ulaakoombolosha mishobo yoonse. Ulaakususha mituntu ya bantu mumusena wakulwanina akupwayoola bamaami ba mucishi ca panshi coonse.

Kulumbaisha 18:43

Mwakamfuna kuswa kubantu baashu, akunengesha kutolelela kulela mishobo. Bantu mbondatakalinga kwishiiwo, boonse bali mumaansaangu bulya.

Kulumbaisha 2:8

Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

Isaya 55:4

Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Isaya 65:1

Mwaami Lesa waamba ayi, “Ndakaliyubulula kubantu abo batakalinga kumpaila. Ndakalibika patuba kubaabo batakalinga kunyandoola. Ncakwiila kumushobo watakalinga kunambila, ndakaamba ayi, ‘Mpoondi, ndaakumucafwa.’

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Osiya 2:23

Isilaeli ndaakumushanga mucishi kwaamba ayi akabe waangu. Ndushinisho ndaakutondesha lusuno kubaabo bakalinga kwaambwa ayi, ‘Bateshi basunikwi bangu.’ Ndaakwaambila baabo bakalinga kwaambwa ayi, ‘Bateshi bantu bangu’ ayi, ‘Mwebo muli bantu bangu,’ abalo balaakukumbula ayi, ‘Muli baLesa besu.’ ”

Bene Loma 15:12

Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”

Bene Loma 9:25

Kweelana abwaamba Lesa mulibuku lyakalemba Osiya mulaluki mukulukulu ayi, “Abo batakalinga bantu bangu ndaakubeeta ayi, ‘Bantu bangu.’ Amushobo uyo ngoontakwe kusuna ndaakuusuna.

Dutolonomi 28:13

Mwaami Lesa, Lesa wanu ulaakulengesha ayi mukabe batanjilili pakati kamishobo imwi, kuteshi beshikukonkela. Na munookonkela milawo ya Mwaami Lesa yoonse njentoomupa sunu, mulaakunoolibo peculu alimwi taaku nceshi mukaalilwe.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”