2 Samwelo 22:23 - Baibo Busansulushi Bwa Libuku Ili

²³ Ndalama milawo yoonse ya Mwaami Lesa, alimwi nshikwe kupambukaawo mumilasho yakwe.

2 Samwelo 22:23 ပူးပေါင်းရင်းမြစ်များ

Kulumbaisha 119:102

Nshilekiwo milawo yanu, ceebo ndimwe mwakanjiisha.

Kulumbaisha 119:128

Paceebo ceeco ndakonkela milasho yanu yoonse. Ndipatite nshila shoonse shibiibi.

Kulumbaisha 119:13

Ndaamba milawo yanu amulomo wangu, ee, milawo yoonse iswa kumulomo wanu.

Kulumbaisha 119:30

Ndakasala kwikala mukushomeka, ndabika maano angu kumilawo yanu.

Kulumbaisha 119:6

Na mbike maano kumilawo yanu yoonse, ingayi teshi nkalenshekwe nsoni.

Kulumbaisha 119:86

Milawo yanu yoonse ilashomeka. Amuncaafwe ceebo bantu aba batoompensha kwakubula mulandu.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Joni 15:14

Na kamukonkela kwiisha kwangu, nkokwaamba ayi muli babyaanji.

Dutolonomi 17:20

Ici cilaakumulengesha kutayeeya ayi lakwe uli kabotu kwiinda bene Isilaelinyina bamwi boonse, akumukasha kutakonkela milawo ya Mwaami Lesa munshila ili yoonse. Lyalo lakwe alimwi abamulunyungu lwakwe balaakweendelesha ciindi cilaamfu muIsilaeli.

Dutolonomi 7:12

“Na munyumfwe akukukonkela milawo iyi cakushomeka, Mwaami Lesa wanu ulaakutolelela kulama cipangano cakwe amwebo alimwi ulaakumutondesha lusuno lwakwe ulo lubabo mushobo womwi lyoonse, bweenka mbwaakashomesha bamashali banu bakulukulu.

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.