2 Samwelo 22:22 - Baibo Busansulushi Bwa Libuku Ili

²² Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

2 Samwelo 22:22 ပူးပေါင်းရင်းမြစ်များ

Tushimpi 8:32

“Ono nobana bangu, amunkutike, balicite coolwe abo bakonkela nshila shangu.

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Kulumbaisha 128:1

Balicite coolwe abo banyumfwila Mwaami Lesa, ncakwiila abo beenda munshila yakwe.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 119:1

Balicite coolwe abo bekala cakubula kampenda, abo bacita kweelana amilawo ya Mwaami Lesa.

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

Shakubelenga 16:15

Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

1 Baami 9:4

Na ukanoonsebensela cakushomeka alimwi cakubula kampenda mubuumi bwako mbuli iso Defedi, alimwi na ukanookonkela milawo yangu akucita shoonse nshendakwaambila,

Kulumbaisha 18:1

Ndimusuni noBaami baLesa bangu mwebo nomumpa nkusu.