2 Samwelo 21:7 - Baibo Busansulushi Bwa Libuku Ili

⁷ Ono mwaami Defedi wakalekelela Mefibosheti mwanaakwe Jonasani, mwishikulu wakwe Saulo ceebo cakushomeshanya cakulumbila uko lakwe aJonasani, mwanaakwe Saulo, nkobakacita pameenso aMwaami Lesa.

2 Samwelo 21:7 ပူးပေါင်းရင်းမြစ်များ

2 Samwelo 4:4

Ono alakwe Jonasani mwanaakwe Saulo wakalinga kucite mwaana musankwa uyo wakalinga mulema myeendo. Wakalinga kucitebo myaaka yosanwe paciindi cikani cakwaamba ayi Saulo aJonasani bacaikwa ndicakashika kuswa kuJesiliilu. Mpeeke shikumulela wakamubwesa ayi aloboke. Sombi ndyaakalinga kulibambila calubilolubilo ayi anyamuke, mwaana uyo wakaloka, lyalo wakalemana. Liina lyakwe wakalinga nguMefibosheti.

1 Samwelo 23:18

Lyalo bobilo abo bakapanga cipangano pameenso aMwaami Lesa. Mpeeke Jonasani wakaboolela kumishaabo, sombi Defedi wakacaala kuOleshi.

1 Samwelo 20:15

alimwi ukatolelele kunyumfwila nkumbu bamuŋanda yangu lyoonse alyoonse, nkokwaamba ayi akuciindi Mwaami Lesa aakumana kunyonyoola balwani bako boonse.”

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

2 Samwelo 9:10

Ono webo, bana bako abasebenshi bako, mulyeelete kunoomulimina akumutebwita shishango kwaamba ayi bamuŋanda ya mwaami wako banoolamwa. Sombi lakwe Mefibosheti, mwishikulu wa mwaami wako, ulaakunoolya tebulu yomwi anebo lyoonse.” Siba uyo wakalinga kucite baana basankwa bali likumi abosanwe alimwi abasebenshi bali makumi obilo.

1 Samwelo 20:8

Ndaseenga ukancaafwe munshila iyo kweelana webo mbooli mucipangano ca bushicibusa anebo nemusebenshi wako pameenso aMwaami Lesa. Sombi na kuli nceembishite, ncibotu webo weenka kuncaya kwiinda kungaba mumaansa abaiso ayi bancaaye.”

1 Samwelo 20:42

Jonasani wakaambila Defedi ayi, “Koya muluumuno, ceebo twakashomeshanya kuba beshicibusa muliina lya Mwaami Lesa, nditwakaamba ayi, ‘Mwaami Lesa ngokamboni pakati kangu awebo, pakati ka bamulunyungu lwangu abaako lyoonse.’ ” Lyalo Defedi wakanyamuka waya, alakwe Jonasani wakaboolela kundabala.

1 Samwelo 20:17

Lyalo kwiinda mulusuno Jonasani wakalengesha Defedi kushomesha cakulumbila pacipangano cabo alimwi, mukwiinga wakalinga kumusuni bweenka mbwaakalinga kulisuni mwiine.

2 Samwelo 19:25

Mefibosheti ndyaakaswa kuJelusalemu mukukumanya mwaami, mwaami wakamwiipusha ayi, “Ino webo Mefibosheti tookwe kuyitanshi anebo?”

2 Samwelo 16:4

Mwaami Defedi wakaambila Siba ayi, “Ono bulya shoonse shakalinga shakwe Mefibosheti, nshaako.” Siba wakaamba ayi, “Ndaalaala nemusebenshi wanu. Kamumfwita nkumbu lyoonse nkambo nobaami bangu.”

2 Samwelo 9:7

Defedi wakaamba ayi, “Utaloondi mukwiinga ndushinisho ndyeelete kukutondesha nkumbu ceebo ca baiso baJonasani. Ndakubooshesha luundu loonse lwakalinga lwa bankambiyako baSaulo alimwi ulaakunoolya tebulu yomwi anebo.”

1 Samwelo 20:12

Mpeeke Jonasani wakaambila Defedi ayi, “Mwaami Lesa, Lesa wa bene Isilaeli aabe kamboni kwaamba ayi ciilo aisona paciindi ceenka cino, ndaakwiipusha bata. Na taaku cintu cibiibi ncebatooyeeya pali ndiwe, ndaakukushibisha.

2 Samwelo 9:1

Bumwi bushiku Defedi wakeepusha ayi, “Sa kuliwo ucaalite pabamuŋanda bakwe Saulo uyo ngweenga ndatondesha nkumbu ceebo cakwe Jonasani?”

Shikushimikila 8:2

Kamunyumfwila caamba mwaami mukwiinga wakashomesha cakulumbila kunembo lyakwe Lesa ayi ulaakunoocita boobo.

1 Samwelo 24:22

Mpeeke Defedi wakashomesha mbweeke ubo cakulumbila kuli Saulo. Lyalo Saulo wakaboolela kumushi, sombi Defedi abashilumamba bakwe bakaya kucimfwengo.

2 Samwelo 9:6

Lyalo Mefibosheti, mwanaakwe Jonasani mwishikulu wakwe Saulo, ndyaakashika kuli Defedi wakafukama kunembo lyakwe mukumupa bulemu. Mpomunyaawo Defedi wakamwiita liina ayi, “Mefibosheti!” Alakwe wakakumbula ayi, “Nkambo nemusebenshi wanu.”