31 Sombi bashilumamba bakwe Defedi bakacaya bashilumamba bakwe Abina bali 360 ba mumukowa wakwe Benjameni.
Lyalo alakwe Joabu wakapiluka kuswa mukutandaanya Abina akubunganya bashilumamba bakwe boonse. Mpeeke cakacanika ayi kukushako Asayelo bashilumamba bakwe Defedi batakalingaawo bakakwana likumi, bosanwe abone.
Mubili wakwe Asayelo bakaubwesa akuya mukuubika kucuumbwe ca baishi kuBetileemu. Lyalo Joabu abashilumamba bakwe bakeenda mashiku oonse akushika kuEbuloni lisuba ndilyakalinga kuswa.
Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.
Mwaami Aabu wakakumbula ayi, “Mulwiite baami baBenadadi kwaamba ayi shilumamba mwiine mwiine ulalilumbaishabo na wamana nkondo kuteshi na taana.”