2 Samwelo 2:26 - Baibo Busansulushi Bwa Libuku Ili

²⁶ Kuswawaawo Abina wakoolobesha kuli Joabu ayi, “Sa tunanoolwanabo lyoonse? Sa toobwene kwaamba ayi ici kumamanino cilaakukubicila? Anu ulaakukasha lili bashilumamba bako ayi bacileke kuya citandaanya bamakwababo?”

2 Samwelo 2:26 ပူးပေါင်းရင်းမြစ်များ

2 Samwelo 11:25

Mpeeke Defedi wakaambila shinkombe ulya ayi, “Joabu umulwiite ayi, ‘Muntu taakoonshi kwishiba weenga wafwa munkondo. Aboobo cikani ico citamulengeshi kulisukama.’ Umulwiite alwanishebo kushikila akome ndabala iyo. Umuyuminishe mukumulwiita boobo.”

2 Samwelo 2:14

Lyalo Abina wakaambila Joabu ayi, “Atulwanishe basankwa bacikula bwangu bamwi, tweebele.” Joabu wakakumbula ayi, “Ncibotu, abalwane.”

2 Samwelo 2:16

Lyalo musankwa womwi awomwi wakacata mubye kumutwi wakusha mupeeni wakwe akuyasa ngwaatoolwanaakwe. Mpeeke boonse bobilo bawita pantu pomwi, tibili boonse bali makumi obilo abone bafwa. Kuswawaawo musena uyo bakautumba ayi Elikati Asulimu nkokwaamba ayi Muunda wa Mipeeni.

2 Samwelo 2:25

Lyalo bashilumamba bene Benjameni bakayoboloka kuli Abina akupanga likoto lyomwi alimwi. Mpeeke bakeemikana peculu lya kalundu kamwi.

2 Samwelo 2:27

Joabu wakakumbula ayi, “Bweenka mbocibete lushinisho ayi Mwaami Lesa ngumuumi, nootakwe kwaamba, naakwiinga bashilumamba aba batolelela kuya cimutandaanya kushikila ciilo macuunsa.”

Jobo 18:2

“Jobo, sa inga tooumuniiko kwaamba ayi ukutike aswebo twaambeeko?

Jobo 19:2

“Anu mutoocileka lili kuncisa kumoyo? Mutoocileka lili kuntyoloola amaswi anu?

Kulumbaisha 4:2

Anu citooba ciindi cilaamfu buyani mwebo nobantu kamuntukana? Anu citooba ciindi cilaamfu buyani kamusuni shintu shitaaku mboshibete akukakatila balesa bakubeca?

Tushimpi 17:14

Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 4:21

Nciindi cilaamfu buyani nceshi noocibona mbembela sha nkondo akunoonyumfwa mapeenga a nkondo kaalila?

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Jelemiya 46:14

“Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’

Osiya 11:6

Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’