2 Samwelo 19:5 - Baibo Busansulushi Bwa Libuku Ili

⁵ Ono Joabu wakaya kuŋanda ya mwaami akuya mukumwaambila ayi, “Sunu mwabalensha nsoni bashilumamba banu abo bakafuna buumi bwanu, bwa bana banu basankwa abanakashi alimwi abwa bamakaanu pantu pomwi abwa bakasuwa banu.

2 Samwelo 19:5 ပူးပေါင်းရင်းမြစ်များ

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

2 Samwelo 18:17

Kuswawaawo bakabwesa Abusalomu akumukulukisha mucilindi cilaamfu mumusaansa umo akupanga mulwi unene abuumbi wa mabwe pali nguwe. Paciindi ico bashilumamba bakwe Abusalomu bakacica akuya kumaandaabo.

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

2 Samwelo 19:4

Lyalo mwaami wakalifweka pameenso akulila cakooloma ayi, “Omwanaangu musankwa! Omwanaangu Abusalomu! Abusalomu omwanaangu musankwa!”

2 Samwelo 19:6

Mwebo mulisuni bantu bamupatite akupata baabo bamusuni. Sunu mwacibika patuba kwaamba ayi bamatanjilili ba bashilumamba abasankwa babo taaku mbomubabona. Ono ndeshiiba kwaamba ayi nemwalinga kukondetwe abuumbi Abusalomu naalinga muumi sunu, swebo soonse katufwite.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

Neyemiya 9:27

Paceebo ceeco mwakabaaba mumaansa a balwani babo abo bakalinga kubalyatilila. Sombi ndibakamulilila mumapensho abo, mwakabakumbula kuswa kwiculu uko nkomubete. Munkumbu shanu mwakabatumina bamatanjilili abo bakabafuna kuswa mumaansa a balwani babo.

Kulumbaisha 3:8

Ncakwiila kukoma kulaswabo kuMwaami Lesa, ono aape coolwe bantu bakwe.