2 Samwelo 18:9 - Baibo Busansulushi Bwa Libuku Ili

⁹ Ono cakuteengashila Abusalomu wakakumana abashilumamba bakwe Defedi. Abusalomu wakalinga kutantite pacifubwa cili anga nimbongolo. Mpeeke cifubwa ico ndicakeenda munshaacisamu ca mubanga, mutwi wakwe Abusalomu wakacatwa palusanda. Wakacaala kaaleleelabo calo cifubwa ncaakalinga kutantiteewo kaciyabo.

2 Samwelo 18:9 ပူးပေါင်းရင်းမြစ်များ

2 Samwelo 13:29

Mpeeke basebenshi bakwe Abusalomu bakacita kweelana ambwaakabaambila. Mpomunyaawo banaamwaami bamwi boonse bakatanta shifubwa shabo shili anga nimbongolo akuloboka.

2 Samwelo 14:26

Misusu yakwe wakalinga kwiicesa na peenda mwaaka. Ono lyoonse na weecesa, wakalinga kwiipima mboitoolema alimwi yakalinga kulema makilogilamu ali 2.3 kweelana acipimo cakasuminishikwa ca kubwalo.

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

2 Samwelo 18:10

Lyalo umwi musankwa ndyaakabona boobo, wakaya walwiita Joabu ayi, “Abusalomu ndamubona utoolelela kucisamu ca mubanga.”

2 Samwelo 18:14

Mpomunyaawo Joabu wakaamba ayi, “Teshi mane ciindi kwaamba awebo!” Mpeeke wakabwesa masumo otatwe akukulunga Abusalomu mucaamba kaacili muumi mucisamu ca mubanga mulya.

2 Samwelo 18:8

Mpeeke nkondo yakaliyalabo luundu loonse. Lyalo bantu bakafwa mumusaansa bakeenda baabo bakacaikwa kumipeeni.

Jobo 31:3

Sa bantu bataluleme tababoniiwo malwesa? Sa bamucita shibi tababoniiwo mapensho?

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Mateyo 27:5

Mpomunyaawo Judasi wakawaala maali alya panshi muŊanda yakwe Lesa, akuswa waya mukulyaangilila.

Maako 7:10

Mukwiinga Mose wakaamba ayi, ‘Lemeka baiso abanyoko,’ alimwi ayi, ‘Uyo woonse unyansha baishi nabi banyina, ncakwiila uyo ulyeelete kucaikwa.’

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Dutolonomi 21:23

muntu uyo taaelete koonaawo. Ulyeelete kufukilwa pabushiku mbomunya ubo, ceebo muntu upopwa pamucilingano Lesa ulamushingana. Mukoofukile kwaamba ayi mutakabishi cishi ico Mwaami Lesa, Lesa wanu ncaatoomupa.

Dutolonomi 27:16

“ ‘Aashinganishikwe muntu uli woonse uyo unyansha baishi abanyina.’ “Mpeeke bantu boonse balaakwaamba ayi, ‘Ameni!’

Dutolonomi 27:20

“ ‘Aashinganishikwe muntu uli woonse uyo usebaanya baishi kwiinda mukukumana abakaabo bamwi.’ “Mpeeke bantu boonse balaakwaamba ayi, ‘Ameni!’