2 Samwelo 18:18 - Baibo Busansulushi Bwa Libuku Ili

¹⁸ Ono Abusalomu kaacili muumi wakayaka cintu cakwiibalukilwaawo muCinyika ca baMaami mukwiinga wakayeeya ayi, “Bulya mboontacitewo mwaana musankwa weenga wacaasha liina lyangu, lilaakuloba.” Cintu ico wakacitumba liina lyakwe alimwi abobulya ciciitwa ayi Cakwiibalukilwaawo cakwe Abusalomu.

2 Samwelo 18:18 ပူးပေါင်းရင်းမြစ်များ

Matalikilo 11:4

Lyalo bakaamba ayi, “Ono atuyake ndabala inene acaanda cilaamfu cishika kwiculu, kwaamba ayi tupange liina, akwaamba ayi tutapalanganini mucishi ca panshi.”

Matalikilo 11:9

Ndabala inene iyo yakeetwa ayi Babiloni ceebo uko Mwaami Lesa wakafulunganya mulaka wa bantu boonse, alimwi nkuswa kooko nkwaakapalanganishisha bantu kuya mumbasu shoonse sha cishi ca panshi.

Matalikilo 14:17

Abulamu ndyaakaboola kuswa mukukoma Cedalaoma abamaami mbwaakalinga kucafwanaabo, mwaami wa Sodoma wakesa mukumwaansha mucinyika ca Shafe, nkokwaamba ayi cinyika ca mwaami.

2 Samwelo 14:27

Abusalomu wakalinga kucite baana basankwa botatwe amwanakashi womwi. Mwanaakwe mwanakashi wakalinga kwiitwa ayi Tama alimwi wakaba mwanakashi mubotu abuumbi.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 49:11

Shuumbwe shabo ngomaandaabo a lyoonse alyoonse, shilaakuba njemisena yabo yakwikalaamo kwamuyayaya nabi kakuli misena njebakatumba meenaabo.

Isaya 22:16

‘Anu utoocitanshi kuno? Ngani wakusuminisha kulipangila cuumbwe kuno? Ngani wakusuminisha kulibesela cuumbwe pakalundu aka? Ee, kulibesela mumwaandami kuno?

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Shakubelenga 32:42

Noba alakwe wakalwana akubwesa ndabala ya Kenati amishi ya njiyo, akwiitumba liina lyakwe ayi Noba.

1 Samwelo 15:12

Macuunsacuunsa bushiku bwakaboolaawo, Samwelo wakaya mukubona Saulo. Ono wakalwiitikwa ayi wakaya kuKamelo, uko nkwaakalibumbila kambwanga wa ciibalusho. Kuswa kooko wakaya kuGilugala.