2 Samwelo 17:23 - Baibo Busansulushi Bwa Libuku Ili

²³ Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

2 Samwelo 17:23 ပူးပေါင်းရင်းမြစ်များ

2 Samwelo 15:12

Lyalo Abusalomu ndyaakalinga kubenga milambu, wakatumina nkombe Ayitofelo, shikupandako maano Defedi, ayi alakwe ese kuswa kuGilo, ndabala ine mishaabo. Munshila iyo miyeeyo yakwe Abusalomu yakubukila bwaami yakalinga kuya cishimpa, abalo beshikumukonkela bakalinga kuya cifula.

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

2 Samwelo 16:23

Munshiku isho Ayitofelo wakalinga kucita na wapanda maano umwi muntu, cakalinga kubabo anga weepusha kuMwaami Lesa. Mboboobo Defedi aAbusalomu boonse bobilo mbobakalinga kulabilite Ayitofelo ubo.

2 Samwelo 17:22

Mpomunyaawo Defedi abaabo mbwaakalingaabo bakasubuka Mulonga wa Joodani. Lyalo kakutana kuca boonse bakamana kusubuka.

1 Baami 16:18

Simuli ndyaakabona ayi ndabala inene yawa, wakenjila mucipinda ciyumu ca mukati ka ŋanda ya bwaami akulitentela mumo akufwa.

2 Baami 20:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Jobo 31:3

Sa bantu bataluleme tababoniiwo malwesa? Sa bamucita shibi tababoniiwo mapensho?

Kulumbaisha 109:20

NoBaami baLesa, amupe mulandu balwani bangu munshila iyi, ee, abo baamba shibiibi pali ndime.

Kulumbaisha 5:10

Ncakwiila amubape mulandu nobaLesa. Shintu nshebapinga kucita ashibanyonyoole. Amubataande kuswa pemeenso anu ceebo ca shibiibi shabo shiinji, alimwi aceebo cakwaashukila ndimwe.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Isaya 38:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Mateyo 27:5

Mpomunyaawo Judasi wakawaala maali alya panshi muŊanda yakwe Lesa, akuswa waya mukulyaangilila.