2 Samwelo 16:8 - Baibo Busansulushi Bwa Libuku Ili

⁸ Utoocinyumfwa, Mwaami Lesa wakupa mulandu pabamuŋanda yakwe Saulo boonse mbowakacaya peculu lya kubwesa bwaami bwakwe. Mwaami Lesa waaba bwaami bwako mumaansa amwanaako Abusalomu. Ono webo bulya wanyonyooka ceebo ca bucayi bwako!”

2 Samwelo 16:8 ပူးပေါင်းရင်းမြစ်များ

2 Samwelo 1:16

Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”

2 Samwelo 19:19

akwaamba ayi, “Ndaseenga nobaami bangu ayi mutambikilili mulandu pacilubo ncendakacita nebo nemusebenshi wanu kuli ndimwe nobaami bangu bushiku mbomwakaswa muJelusalemu. Mucilubeeko cakutaciyeeyawo tubili nkambo.

2 Samwelo 19:21

Mpomunyaawo Abishayi mwanaakwe Seluiya wakaponsomoka ayi, “Shimeyi ulyeelete kucaikwa! Wakacobola mwaami uyo Mwaami Lesa ngwaakasala.”

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

2 Samwelo 21:9

Mpeeke wakabaaba mumaansa a bene Gibyoni abalo bakaya mukubaangilila pameenso aMwaami Lesa, pakalundu. Lyalo bosanwe abobilo boonse abo bakafwita pantu pomwi. Bakacaikwa munshiku shitaanshi shakutalika kutebula, ciindi cakutebula bale kacilibo pafwaafwi.

1 Baami 2:8

“Kuli Shimeyi mwanaakwe Gela, uswa kundabala ya Bayulimu mucishi cakwe Benjameni. Wakanshingana abuumbi bushiku ndindakaya kuMaanaimu, sombi ndyaakankumanya kuMulonga wa Joodani, ndakashomesha cakulumbila muliina lya Mwaami Lesa ayi teshi nkamucayeewo.

Kulumbaisha 3:2

Balambandika akwaamba ayi, “Lesa teshi akamucaafwe.”

Kulumbaisha 4:2

Anu citooba ciindi cilaamfu buyani mwebo nobantu kamuntukana? Anu citooba ciindi cilaamfu buyani kamusuni shintu shitaaku mboshibete akukakatila balesa bakubeca?

Kulumbaisha 55:3

Shitokwaamba balwani bangu pali ndime shanenga boowa. Ndatentuka kukulyatililwa kubamucita shibi. Ncakwiila balandetela mapensho anene. Batookalala pali ndime cakutaboolawo pesule.

Tushimpi 26:2

Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Boomboloshi 9:24

Ici cakacitika mukupilusha cibiibi cakacita Abimeleki pakucaya bana bakwe Gidyoni bali makumi osanwe aobilo, alimwi akubene Shekemu abo bakamucafwaako kubacaya.