2 Samwelo 15:30 - Baibo Busansulushi Bwa Libuku Ili

³⁰ Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

2 Samwelo 15:30 ပူးပေါင်းရင်းမြစ်များ

Esita 6:12

Kuswawaawo Modekayi wakaboolela kumwinjililo wa ŋanda ya bwaami, sombi Amani wakaboolela kuŋanda yakwe ciwa kacilokete kunsoni.

2 Samwelo 19:4

Lyalo mwaami wakalifweka pameenso akulila cakooloma ayi, “Omwanaangu musankwa! Omwanaangu Abusalomu! Abusalomu omwanaangu musankwa!”

Esekelo 24:23

Mulaakunoofwetebo shisani shakufwala kumutwi ankwabilo shanu. Teshi mukoongumane nabi kulilawo buumpute, sombi mulaakukokabo ceebo ca shibiibi shanu akutongela pakati kanu nobene.

Esekelo 24:17

Ukanooshinshimukabo cakutanyumfwika alimwi kuteelesha kulila mufu. Utakafuuli cisani ncoofwala kumutwi nabi kufuula nkwabilo shako. Utakalifwekiwo pamulomo nabi kulya shakulya shilikwabo pamalilo.”

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

Bene Loma 12:15

Amusangalale abaabo basangalete alimwi mulile abaabo batoolila.

Milimo ya Batumwi 1:12

Lyalo batumwi bakaboolela kuJelusalemu kuswa kuKalundu ka Olifi, apo pakalingabo mushinso ufwaafwi.

Luka 22:39

Jesu wakaswaamo mundabala inene akuya kuKalundu ka Olifi bweenka mbwaakalinga kushibite, abalo bashikwiiya bakwe bakamukonkela.

Luka 21:37

Munshiku isho, Jesu wakalinga kwiisha muŊanda yakwe Lesa, sombi macolesha lyoonse wakalinga kuya kuKalundu ka Olifi akwikala kweenka kulya kushikila bwaca.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Luka 19:37

Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Luka 19:29

Ndyaakashika kufwaafwi amandabala a Betifagi aBetani mweela Kalundu ka Olifi, wakatuma bashikwiiya bakwe bamwi bobilo

Mateyo 5:4

“Balicite coolwe abo balila, mukwiinga Lesa ulaakubasangalasha.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Kulumbaisha 43:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 42:3

Minsonshi yacita kuba anga ncecakulya cangu malumwi amashiku. Abalo bantu baliciteko kuntonta ayi, “Anu Lesa wako uli kuli?”

2 Samwelo 15:29

Mpeeke Sadoki aAbyata bakaboosha Libokoshi lya Cipangano ca Mwaami Lesa kuJelusalemu akwikala.

2 Samwelo 19:5

Ono Joabu wakaya kuŋanda ya mwaami akuya mukumwaambila ayi, “Sunu mwabalensha nsoni bashilumamba banu abo bakafuna buumi bwanu, bwa bana banu basankwa abanakashi alimwi abwa bamakaanu pantu pomwi abwa bakasuwa banu.