2 Samwelo 15:10 - Baibo Busansulushi Bwa Libuku Ili

¹⁰ Ono Abusalomu wakatuma beshinkombe cabushishi mumikowa yoonse ya bene Isilaeli ayi babaambile ayi, “Mwaakunyumfwabo mapeenga alila, mukaambe ayi, ‘Abusalomu ngumwaami muEbuloni.’ ”

2 Samwelo 15:10 ပူးပေါင်းရင်းမြစ်များ

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

2 Samwelo 14:30

Mpomunyaawo Abusalomu wakaambila basebenshi bakwe ayi, “Amubone muunda wakwe Joabu ulibambenebo awaangu alimwi muli bale. Kamuya mukauteente.” Mpeeke basebenshi bakwe Abusalomu bakaya bautenta.

2 Samwelo 15:9

Mwaami Defedi wakakumbula ayi, “Weendebo kabotu.” Lyalo wakanyamuka akuya kuEbuloni.

2 Samwelo 19:10

Twakananika Abusalomu kuba mwaami wesu, sombi wacaikwa kunkondo. Ino ono nceebonshi kwabula muntu utoolikumbooshawo shakweelesha kuboosha mwaami Defedi?”

2 Samwelo 2:1

Kuswawaawo Defedi wakeepusha Mwaami Lesa ayi, “Sa nje ono kundabala yomwi ya muJuda?” Mwaami Lesa wakakumbula ayi, “Ee, koya.” Mpomunyaawo wakeepusha alimwi ayi, “Nje kundabalanshi?” Mwaami Lesa wakakumbula ayi, “Koya kuEbuloni.”

2 Samwelo 2:11

Defedi wakalela bene Juda kwa myaaka yosanwe ayobilo alimwi amusa kaali mundabala ya Ebuloni.

2 Samwelo 5:5

Mundabala ya Ebuloni, wakalela bene Juda kwamyaaka yosanwe ayobilo alimwi amusa wa mwaaka. MuJelusalemu wakalela bene Isilaeli boonse pantu pomwi abene Juda kwamyaaka ili makumi otatwe amyaaka yotatwe.

1 Baami 1:11

Mpeeke Natani wakaya kuli Batisheba, banyina Solomoni, akumwiipusha ayi, “Sa mwanyuumfwa ayi Adonija mwanaakwe Agiti walibika pabwaami alimwi baami besu baDefedi taaku ncebeshi?

1 Baami 1:34

Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

2 Baami 9:13

Mpomunyaawo babye abo bakafuula shakufwala sha peculu akushiyala pamatantilo aŋanda kwaamba ayi Jewu eemikaneewo. Lyalo bakalisha mapeenga akoolobesha ayi, “Jewu ngumwaami!”

1 Makani 11:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli bweenka bwakashomesha Mwaami Lesa kwiinda muli Samwelo.

1 Makani 12:23

Ciindi ico Defedi ndyaakalinga kuEbuloni bashilumamba baanji bakenjila mulikoto lya bashilumamba bakwe akumucafwa kuba mwaami pamusena wakwe Saulo kweelana abwakashomesha Mwaami Lesa. Myeelo yabo njeeyi:

1 Makani 12:38

Bashilumamba aba boonse bakalinga kulibambite kulwana, bakaya kuEbuloni, bakalinga kupingite kubika Defedi pacuuna ca bwaami bwa bene Isilaeli boonse. Bene Isilaeli bamwi boonse bakalinga kucite muyeeyo womwi ambabo.