2 Samwelo 14:7 - Baibo Busansulushi Bwa Libuku Ili

⁷ Ono beshikamukowa boonse bambukila nemusebenshi wanu akwaamba ayi balisuni ngabe wooyo wakacaya mubye mumaansaabo ayi bamucaaye alakwe, ceebo cakucaya mukwabo. Na bakacite boobo, ingayi nebo ndaakucaalabo kwakubulawo mwaana musankwa. Nkokwaamba ayi balaakunyonyoola wakucinkamo manungo eenkabo ngooncite, abalo beebaangu inga babula weenga wacaasha liina lyabo pacishi ca panshi coonse cino.”

2 Samwelo 14:7 ပူးပေါင်းရင်းမြစ်များ

Matalikilo 27:45

akuluba ncewacita kuli nguwe. Lyalo ndaakutuma muntu kwisa mukukubwesa uko. Nshikwe kunyonyookelwa baana basankwa bobilo paciindi comwi.”

Matalikilo 4:14

Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

2 Samwelo 12:17

Bacinenenene ba kuŋanda ya mwaami bakeelesha kumubushaawo panshi apo, sombi wakakaka, alimwi taaku cakulya ncaakalinga kulyaabo.

2 Samwelo 14:6

Nebo nemusebenshi wanu ndakalinga kucite baana basankwa bobilo. Bumwi bushiku bakalwana kabali muluundu alimwi kakutaaku ashikubafunina. Lyalo umwi wakacaya mubye.

2 Samwelo 14:8

Lyalo Mwaami wakakumbula ayi, “Boolela kuŋanda, ntoobikaako maano kucikani ici.”

Shakubelenga 35:19

Ono mukwabo wooyo wakacaikwa ngoweelete kucaya mucayi uyo kuli koonse nkweenga wamucana.

Mateyo 21:38

Sombi balimi balya ndibakabona mwaana uyo, bakatalika kulwiitana ayi, ‘Uyu ngweshi akapyane buboni boonse. Atumucaye, kwaamba ayi buboni boonse bukabe bwesu.’

Dutolonomi 25:6

Mwaana musankwa mutaanshi kushalwa ulyeelete kutumbwa liina lya wooyo wakafwa, kwaamba ayi liina lya mufu uyo litaloobi mucishi ca Isilaeli.