2 Samwelo 13:12 - Baibo Busansulushi Bwa Libuku Ili

¹² Sombi Tama wakaamba ayi, “Sobwe onandumi yangu! Utankakatishi kucita boobo. Cintu ca mushobo uyu taceelete kucitika mucishi ca Isilaeli! Utaciti cintu cibiibi bobulya.

2 Samwelo 13:12 ပူးပေါင်းရင်းမြစ်များ

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 34:7

Lyalo bakapolenshanyabo abana bakwe Jakobo basankwa kabaswa mumyuunda. Ndibakacinyumfwa cikani ico, bakakankamana akukalala abuumbi pacintu cakacita Shekemu, ico cilensha nsoni kubene Isilaeli, ndyaakacata mwanaakwe Jakobo akukumanaakwe.

Tushimpi 7:7

Mpeeke ndakabona basankwa baanji bataaku ncebeshi, sombi ndakalabilila cikula bwangu womwi utacite maano.

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Bene Lefi 18:11

“Utakumani anankashi yako umwi uli woonse, nkokwaamba ayi mwanaabo bakwababo baiso, nabi banyoko bamwi ceebo alakwe ngunankashi yako.

Bene Lefi 18:9

“Utakumani anankashi yako nabi nankashi yako wakucanaamo, wakakulila muŋanda yomwi awebo nabi tau.

Bene Lefi 20:17

“Na muntu weeba nankashi yakwe, nabi nankashi yakwe kuli baishi nabi banyina bateshi bakumushala, boonse balyeelete kusebaanishikwa pameenso a bantu akutandwa pakati kanu. Ceebo muntu uyo wakumana anankashi yakwe, ulyeelete kupekwa mulandu weelete.

Dutolonomi 22:21

balyeelete kumutola pamulyango wa ŋanda ya baishi, apo basankwa ba mundabala mpobeelete kumucaya amabwe ceebo wacita cintu cilensha nsoni muIsilaeli, kwiinda mukukumana abasankwa kaacili muŋanda ya baishi. Munshila iyi mulaakukusha bubi ubu pakati kanu.

Dutolonomi 22:29

musankwa uyo ulyeelete kulipila maali a silifa ali makumi osanwe akupa baishi mwanakashi. Mpeeke ulyeelete kumweeba ceebo wakumanaakwe cakumukakatisha. Aboobo teelete kumukaka mubuumi bwakwe boonse.

Boomboloshi 19:23

Mpeeke mwine ŋanda wakaswita pansengwe akubaambila ayi, “Tau, nobamakwesu, mutaciti cintu cilensha nsoni ca mushobo uyo. Muntu uyo ngumweensu wangu.

Boomboloshi 20:6

Mpeeke ndakabwesa mubili wakwe akuutimboola mushipanshapansha isho nshendakatumina mikowa ili likumi ayobilo ya bene Isilaeli. Ndakacita boobo mukwiinga bantu aba bakacita cintu cibiibi, cilensha nsoni mucishi cino ca Isilaeli.