2 Samwelo 12:9 - Baibo Busansulushi Bwa Libuku Ili

⁹ Ino wanyanshilanshi maswi angu nebo neMwaami Lesa kwiinda mukucita cintu cibiibi mumeenso angu? Wakacaisha Uliya mwine Iti munkondo. Wakamucaisha kubene Amoni akubwesa mukaakwe wamweeba.

2 Samwelo 12:9 ပူးပေါင်းရင်းမြစ်များ

2 Samwelo 11:4

Mpomunyaawo Defedi wakatumaako beshinkombe ayi baye bamulete. Mwanakashi uyo wakesa kuli Defedi. Mpeeke wakakumanaakwe. Ono ciindi ico Batisheba ndyaakaswabo munsondo yakwe yakutanoosalalite kweelana aMilawo ceebo cakukubala. Lyalo wakaboolela kuŋanda yakwe.

2 Samwelo 12:10

Paceebo ceeco inkondo teshi ikamaneewo pabamuŋanda yako mukwiinga wanyaansha mukubwesa muka Uliya mwine Iti akumweeba.

2 Samwelo 16:7

Shimeyi wakacobola Defedi akwaamba ayi, “Swa! Swa! Omucayi webo, Satana wa muntu!

1 Baami 15:5

Mwaami Lesa wakacita boobo mukwiinga Defedi wakacita shakamukonda alimwi taakwe kupwayaawo milawo yakwe, kulekabo cikani cakwe Uliya mwine Iti.

1 Baami 21:19

Uye umwaambile ayi Mwaami Lesa waamba ayi, ‘Ndiwamana kucaya muntu uyo, sa ulisuni kubwesa amuunda wakwe?’ Lyalo umulwiite ayi, ‘Pamusena apo peenka bakabwa mpobakamyangutila bulowa bwakwe Naboti, awebo bulowa bwako mpweshi bakabumyangutile.’ ”

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulumbaisha 51:14

NobaLesa mutandeeki ayi mfwe, sombi amumpulushe. Lyalo ndaakushimikila pabululami bwanu cakukondwa.

Kulumbaisha 51:16

Teshi milambu imusangalasha mwebo, niyalinga kumusangalasha naakwiinga ndeebenga. Ncakwiila milambu yakutenta teemusangalashi.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Kulumbaisha 90:8

Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.

Tushimpi 14:2

Uyo ucita shintu shiluleme ulalemeka Mwaami Lesa, sombi uyo utaciti shiluleme, ingayi ulanyansha.

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Jelemiya 18:10

sombi pesule bwalo bwatalika kunoocita shibiibi mumeenso angu akutanyumfwila, teshi nkacite shintu shibotu nshendakaamba kucita kuli mbubo.

Amosi 2:4

Mwaami Lesa waamba ayi, “Bene Juda bakalinga kubisha lyobilo lyobilo, aboobo ndushinisho ndaakubapa mulandu. Bakaka kukonkela Milawo yangu nebo neMwaami Lesa akukaka kukonkela milasho yangu. Balesa bakubeca babalengesha kuswa munshila, ee, balesa abo bamashali babo bakulukulu mbobakalinga kukonkela.

1 Samwelo 15:19

Ono ceebonshi tookwe kunyumfwila Mwaami Lesa? Weenganinanshi kubwesa shakasaalwa akucita cintu citakondeleshi pameenso a Mwaami Lesa?”

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 15:26

Sombi Samwelo wakaamba ayi, “Teshi mboole awebo. Webo wakaka liswi lya Mwaami Lesa ono alakwe Mwaami Lesa wakaka ndiwe kunoocili mwaami wa bene Isilaeli!”