2 Samwelo 11:2 - Baibo Busansulushi Bwa Libuku Ili

² Bumwi bushiku macolesha Defedi wakabuka pabulo bwakwe akuya ceendaana paciluli ca ŋanda yakwe ya bwaami. Ndyaakalinga waawo, wakabona mwanakashi kaasamba bulya. Mwanakashi uyo wakalinga mubotu abuumbi.

2 Samwelo 11:2 ပူးပေါင်းရင်းမြစ်များ

Matalikilo 12:11

Ndyaakalinga pafwaafwi akusotoka nyinsa ya Ijipiti, wakaambila Salai mukaakwe ayi, “Webo uli mwanakashi mubotu abuumbi.

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 39:6

Potifa wakabika shoonse mumaansaakwe Josefu alimwi taaku ncaakalinga kubikaako maano kulekabo cakulya ncaakalinga kweelete kulya mwiine. Josefu wakalinga kwiimfwi kabotu alimwi wakalinga kuboneka kabotu abuumbi kuciwa.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

2 Samwelo 13:1

Ono Abusalomu mwanaakwe Defedi musankwa wakalinga kucite nankashi yakwe wakalinga kwiitwa ayi Tama, mubotu alimwi watakalinga kweebetwe. Amunoni mwanaakwe Defedi musankwa wa muŋanda imwi, wakamukumbwa.

2 Samwelo 14:27

Abusalomu wakalinga kucite baana basankwa botatwe amwanakashi womwi. Mwanaakwe mwanakashi wakalinga kwiitwa ayi Tama alimwi wakaba mwanakashi mubotu abuumbi.

2 Samwelo 4:5

Ono Lekabu aBaana, bana bakwe Limoni mwine Biyaloti, bakanyamuka akuya kuŋanda kuli Ishibosheti akupola uko lisuba kalili pafwaafwi kushika pakati ka mutwi. Ico ciindi Ishibosheti wakalinga muciindi cakookesha kwakwe kwa malumwi.

2 Samwelo 4:7

Mpeeke basankwa abo bakenjila kucipinda kwakoona Ishibosheti ndyaakalinga kulete pabulo bwakwe. Ndibakamana kumuyasa akumucaya, bakatimbulako mutwi wakwe akuubwesa. Bakeenda mashiku oonse munshila iinda mucinyika ca Joodani.

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Kulumbaisha 119:37

Amunkaashe kubika maano kushintu shitacite ncito. Amumpe buumi kweelana amaswi anu.

Tushimpi 19:15

Butolo bulapa koonenena, ee, muntu utacabaani ulaba shinsala.

Tushimpi 31:30

Kacawa kalacenjeeka akwalo kuboneka kabotu kulamana sombi mwanakashi ulemeka Mwaami Lesa ulyeelete kulumbaishikwa.

Tushimpi 6:25

Utakumbwili mumoyo mbwaaimfwi alimwi meenso akwe ayungoola atakutoleli moyo.

Tushimpi 7:8

Wakalinga kuya bweenda mumukwakwa akushika pafwaafwi aŋanda ya mwanakashi umwi.

Jelemiya 19:13

Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”

Mateyo 10:27

Isho nshentoomulwiita mumunshinshe mukashaambe lumwi lubala, asheesho nshemunyumfwa kumapela mukashaambile pameenso a bantu.

Mateyo 24:17

Uyo eshi akanooli paciluli ca ŋanda, atakaseluki kwaamba ayi akushe shili muŋanda yakwe.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Milimo ya Batumwi 10:9

Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile.

Dutolonomi 22:8

“Na wayaka ŋanda, kweela ciluli mulyeelete kuyaka akalubumbu mweela ciluli coonse kukasha kuloka. Lyalo teshi mukabe amulandu na umwi akaloke akufwa.

Dutolonomi 5:21

“ ‘Utakumbwi mukamwiine camunyono. Utakumbwi camunyono ŋanda ya shikamukobonyoko, muunda wakwe, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.’

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Joni 2:16

Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.

1 Samwelo 9:25

Ndibakakunkuluka kuswa pacipaililo pakalundu akuya mundabala, bakayalila Saulo paciluli ceelenebo citakuneme.