2 Samwelo 10:16 - Baibo Busansulushi Bwa Libuku Ili

¹⁶ Mpeeke Adadesa wakatuma bantu ayi baye balete bene Silya bakalinga kwiindilila Mulonga wa Yufuletisi. Lyalo bakaya kuElamu, kabali mumaansa akwe Shobaki mutanjilili wa bashilumamba bakwe Adadesa mwaami wa cishi ca Soba.

2 Samwelo 10:16 ပူးပေါင်းရင်းမြစ်များ

2 Samwelo 10:15

Bene Silya ndibakaciyeeya akubona kwaamba ayi bakomwa kubene Isilaeli, bakabunganya bashilumamba babo boonse alimwi.

2 Samwelo 10:17

Defedi ndyaakanyumfwa cikani ico, wakabunganya bene Isilaeli boonse, basubuka Mulonga wa Joodani akuya kuElamu. Bene Silya bakalibambila mindando yabo ya nkondo akulwana Defedi.

1 Baami 11:23

Lesa wakalengesha Lesoni mwanaakwe Eliyada ayi alakwe abukile Solomoni. Lesoni wakaloboka kumwaami wakwe, Adadesa mwaami wa kuSoba.

1 Makani 18:3

Kuswawaawo Defedi wakakoma Adadesa mwaami wa cishi ca Soba kushikila akuAmati, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Makani 18:5

Bene Silya ba muDamasikasi ndibakesa ayi bacafwe Adadesa mwaami wa kuSoba, Defedi wakabalwana akucayaawo bashilumamba bali 22,000 pakati lyabo.

1 Makani 19:16

Bene Silya ndibakaciyeeya akubona kwaamba ayi bakomwa kubene Isilaeli, bakaleta bene Silya kuswa kwicwe lya Mulonga wa Yufuletisi. Mpeeke bakababika mumaansaakwe Shobaki mutanjilili wa bashilumamba bakwe Adadesa mwaami wa cishi ca Soba.